焱燒串燒專門店 (Closed)

星期五happy hour之後想去醫醫肚，近偉晴街附近呢度有間串燒舖，地方雖小但五臟俱全。佢座位唔多所以下一次嚟我哋都要book定位，今次因為佢哋已經坐滿左所以我都等咗一陣，食物係林林總總，成兩版紙。我哋叫咗一口牛，五花腩，雞翼，免治軟骨雞肉棒，金菇肥牛卷。全部都係即叫即燒，仲要全部肉類上菜嘅時候都唔會燒到好乾，仍然可以保留肉汁嘅香味。而焗嘢呢都有驚喜，焗金菇同埋焗蒜蓉扇貝，因為我哋幾個都係重蒜蓉怪，所以蒜蓉撈埋淡淡的牛油同金菇，真係停唔到口。而扇貝亦都係好鮮甜，仲啖啖肉。去開串燒舖真係燒韭菜係唔可以唔食，一排滿滿嘅韭菜配上孜然粉，呢度真係係把酒談歡嘅好地方 。