基隆茶餐廳 (Closed)

今日係深水埗放工，好肚餓，突然間好想食茶餐廳既小炒，所以決定試一試呢間基隆茶餐廳小店。位置唔算多，每張圓枱都有隔板，因為坐正電視機下面，果時播緊歌，都幾大聲🙈。乾炒牛河$44好有鍋氣，睇得出係落單即炒即上枱，份量都幾多，炒得好惹味，河粉好入味，連埋芽菜一齊食，口感超正。另外，牛肉片都多，性價比高。下次一定再嗌！焗豬扒飯或意粉🍝$48今次揀左配飯，醬汁就揀左鮮茄汁，豬扒有手掌咁大塊，好軟淋下，番茄醬汁好下飯。