一門 (Closed)

見到網上評價咁高，而我又係愛食蛋嘅人士，便到來試試。芝士玉子燒一上碟已聞到濃濃蛋香，表面富光澤，已令人食指大動！第一啖食蛋嘅部份。蛋好滑溜，入面嘅蛋漿帶點流質，時間控制得好完美嘅一透熟！味道有驚喜！非一貫嘅死甜，蛋味濃，而且微甜之餘帶咸香。甜咸俱全，真係好正。整個玉子燒有好多蛋嘅折層，相信落咗唔少雞蛋，一層層蛋嘅效果整得好靚（我認都幾考功夫？），食落好有層次感，不單調。開始食到中間，嘩，入面嘅芝士十分澎湃地洶湧出黎，芝士迷如我見到未食已十分興奮！滿滿嘅芝士配上高水準滑蛋，十分好味，推薦！另外，估唔到伴碟既白蘿蔔蓉＋醬油都有驚喜！白蘿蔔蓉清甜，淋上自家自調嘅豉油，作為玉子燒嘅點綴，清新好味。平時我係一滴豉油也不沾，因為唔鐘意，例如蒸魚一般家庭／茶樓都會淋豉油，而我就唔會。不過呢個豉油竟然令我覺得好好味。東洋卷幾特別既卷物。軟軟的班戟皮包著大量混上少許沙拉醬嘅脆卜卜蟹籽，軟熟嘅牛油果（唔會太生，未夠熟嘅牛油果無咁好食而且較硬身爽口，呢度嘅則軟熟淋甜，細節都做得好要俾個讚），加上入味嘅鰻魚，呢個組合配搭得好食。好鐘意佢個班戟皮，軟得黎富彈性，有蛋味。又一推薦！Menu玉子燒仲有原味、雜菌、河