Video
Read full review
2022-11-17
33 views
今晚收工去咗朋友介紹嘅稻乙食飯，呢間主打日本料理，有刺身、壽司、串燒、主食，仲有Omakase ，都幾多元化！餐廳仲有一個個包廂，幾有私隱度。我哋叫左季節性嘅白子。師傅有燒過表面，呢個鱈魚白子真係好肥美，食落好Creamy又鮮，加上酸汁唔會腥，仲提味添！之後就叫左精選刺身拼盤。足足有7款，包括牡丹蝦、油甘魚、拖羅、八爪魚、赤貝、煙燻鰹魚、海膽，樣樣都好新鮮！海膽仲好大份，好清甜，而拖羅亦都入口即化，好肥美甘香！最特別係有煙燻鰹魚，經過煙燻調味後更香更有風味。我哋都叫左兩款火炙壽司，包括秋刀魚壽司同左口魚邊壽司。火炙燒過嘅壽司將魚油都逼香哂出黎，食落更加肥美！特別係左口魚邊好滑溜溜，仲有海膽點綴添！而串燒方面，呢度選擇都幾多。我哋試左牛肋骨、串燒雞橫隔膜、鰻魚、煙肉鵪鶉蛋，都幾好食，特別係雞橫隔膜！呢個部位食落都啖啖肉，仲有啲脆口位，好好食！而煙肉鵪鶉蛋都幾有特色，煙肉帶起個味道，一口一啖好過癮！鐵板燒牛油炒鮑魚都好食，食到熱騰騰。而鮑魚係有切薄片，所以爽脆得黎都有口感，雖然鮑魚鮮味唔算好出，但加上有牛油香，別有一番風味，都幾好食！見到有燒蠔都叫左一份。雖然蠔唔算太大，但都脹鼓鼓架！而且
我哋叫左季節性嘅白子。
師傅有燒過表面，呢個鱈魚白子真係好肥美，食落好Creamy又鮮，加上酸汁唔會腥，仲提味添！
之後就叫左精選刺身拼盤。
足足有7款，包括牡丹蝦、油甘魚、拖羅、八爪魚、赤貝、煙燻鰹魚、海膽，樣樣都好新鮮！
海膽仲好大份，好清甜，
而拖羅亦都入口即化，好肥美甘香！
最特別係有煙燻鰹魚，經過煙燻調味後更香更有風味。
我哋都叫左兩款火炙壽司，包括秋刀魚壽司同左口魚邊壽司。
火炙燒過嘅壽司將魚油都逼香哂出黎，食落更加肥美！
特別係左口魚邊好滑溜溜，仲有海膽點綴添！
而串燒方面，呢度選擇都幾多。
我哋試左牛肋骨、串燒雞橫隔膜、鰻魚、煙肉鵪鶉蛋，都幾好食，特別係雞橫隔膜！
呢個部位食落都啖啖肉，仲有啲脆口位，好好食！
而煙肉鵪鶉蛋都幾有特色，煙肉帶起個味道，一口一啖好過癮！
鐵板燒牛油炒鮑魚都好食，食到熱騰騰。
而鮑魚係有切薄片，所以爽脆得黎都有口感，雖然鮑魚鮮味唔算好出，但加上有牛油香，別有一番風味，都幾好食！
見到有燒蠔都叫左一份。
雖然蠔唔算太大，但都脹鼓鼓架！
而且燒蠔加埋炒香嘅煙肉都幾惹味，但醬汁都有啲似大阪燒咁甜甜哋，幾特別！
最後叫左招牌嘅自家製魚湯稻庭烏冬。
亦係最深刻嘅一道菜！呢個魚湯嘅湯頭係奶白色，仲有好濃好Creamy，飲落去順滑得黎，係有好香好突出嘅魚味！真係飲得出真材實料去煲呀！
加上稻庭烏冬都好滑，唔需要肉類配料，簡簡單單已經好好食呀！
整體黎講，餐廳食物好有驚喜，樣樣都幾高質！店員亦會好頻密幫忙添茶，服務亦都唔錯！
Post
