Video
Read full review
2019-10-31
110 views
久聞陳柏宇開嘅火鍋店 好耐之前已經好想試今日終於可以有機會啦怕遇上食飯會好多人所以我同朋友六點半就黎到呢間火鍋店響君怡酒店入面電梯上一層就會見到大門口有個龍型雕像 好有氣勢哈哈除咗啲好常見嘅火鍋配菜雲長小龍坎的而且確有唔少特色嘅野食由於我哋嗰日唔算好肚餓嘅關係我地決定先點四樣嘢 食到咁上下先再決定仲加唔加單其中有三樣都係店舖推介點餐紙上面仲會寫明邊啲食材要淥幾耐好細心湯底方面 我哋叫咗個鴛鴦湯底本來好想食麻辣但係最近食得太多熱氣野所以我哋決定揀個清淡啲嘅田園番茄藥膳鍋（$138）一嚟到即刻飲咗幾啖試吓先個藥膳湯底有幾足料 睇圖已經見到落咗當歸桂圓紅棗杞子淮山陣陣藥材味 滋補得來個味都幾清至於個番茄湯 都好足料 真係好似飲緊蕃茄濃湯咁 正阿第一樣黎到嘅係店舖推介嘅玫瑰豬頸肉（$58）個賣相非常靚但係只係得三朵每朵入邊係有三至四塊豬頸肉既如果份量可以再多啲就好啦淥豬頸肉既建議時間係1分鐘呢個豬頸肉真係好得絕對有豬頸肉應該有嘅爽滑 好新鮮我同朋友都食到唔停口我哋仲叫咗個脆鯇片（$88）呢個唔係店舖推介 係我睇食評見到有人話好味嘅我地本身都幾鍾意食魚 所以就想試下睇落都好新鮮我哋計好時間淥1分
今日終於可以有機會啦
怕遇上食飯會好多人
所以我同朋友六點半就黎到
呢間火鍋店響君怡酒店入面
電梯上一層就會見到
大門口有個龍型雕像 好有氣勢哈哈
除咗啲好常見嘅火鍋配菜
雲長小龍坎的而且確有唔少特色嘅野食
由於我哋嗰日唔算好肚餓嘅關係
我地決定先點四樣嘢 食到咁上下先再決定仲加唔加單
其中有三樣都係店舖推介
點餐紙上面仲會寫明邊啲食材要淥幾耐
好細心
湯底方面 我哋叫咗個鴛鴦湯底
本來好想食麻辣
但係最近食得太多熱氣野
所以我哋決定揀個清淡啲嘅田園番茄藥膳鍋（$138）
一嚟到即刻飲咗幾啖試吓先
個藥膳湯底有幾足料 睇圖已經見到
落咗當歸桂圓紅棗杞子淮山
陣陣藥材味 滋補得來個味都幾清
至於個番茄湯 都好足料
真係好似飲緊蕃茄濃湯咁
正阿
第一樣黎到嘅係店舖推介嘅玫瑰豬頸肉（$58）
個賣相非常靚
但係只係得三朵
每朵入邊係有三至四塊豬頸肉既
如果份量可以再多啲就好啦
淥豬頸肉既建議時間係1分鐘
呢個豬頸肉真係好得
絕對有豬頸肉應該有嘅爽滑 好新鮮
我同朋友都食到唔停口
我哋仲叫咗個脆鯇片（$88）
呢個唔係店舖推介 係我睇食評見到有人話好味嘅
我地本身都幾鍾意食魚 所以就想試下
睇落都好新鮮
我哋計好時間淥1分鐘就即刻拎返上嚟
超級爽脆
仲食到魚既鮮味
呢個都非常推薦！
雖然話唔想食得咁熱氣
但我哋都係忍唔住叫咗呢款
巴蜀麻辣牛肉（$108）
呢款係點餐紙上推介嘅
一嚟到已經心知不妙
因為其實我同朋友都唔算十分食得辣
但呢一碟睇落去已經覺得好辣
果然 一放落個藥膳湯到就已經染紅成個湯
同樣都係淥1分鐘就食得
個牛肉都幾滑
不過就真係太辣既關係 食得有點辛苦哈哈
如果你係好食得辣 叫呢個就啱晒
好在我哋都仲叫左碟紫菜響鈴（$58）
呢款亦係店舖推介
覺得太辣時就食下沾滿番茄濃湯嘅響鈴
超正！
不過注意唔好淥太耐
我地覺得三秒就剛剛好
隔離仲附送一碟酸酸地嘅蕃茄味醬汁配搭
真係好滿足
食到咁上下其實都差唔多飽
但係我哋想飲埋個湯底
所以叫咗一碗白飯兩個人分
當湯飯咁食
食埋個飯就真係飽到上心口
不得不提既係店員好好
時不時會問我地需唔需要加湯
佢地加既湯唔係清湯/熱水
而係你揀既湯底果種 十分貼心
絕對唔會溝淡左原本個湯 值得稱讚👍🏻
最後每人為返開食左約$280
其實唔算平
但真係一分錢一分貨 因為佢哋用嘅料都好新鮮
環境來講都坐得幾舒服 店員服務態度好
總括嚟講 我哋對呢餐都十分滿意
Post
