漁民麵館 (Closed)

今晚同朋友想食返啲清淡啲的食物，經過厚福街見到呢間專門食花膠海參的湯麵店，價錢竟然唔貴，相當抵，就入黎試下。餐牌有多款湯麵可以揀，款式眾多，賣相吸引，仲有好多唔同類型的小食，甜品。花膠BB 鴿湯飯，$78,BB 鴿都好大隻多肉，用滷水煮得好入味，香味足而唔會太咸，肉質嫩滑鮮甜。配料有花膠，煮得好軟稔，膠質豐富有口感，冬菇值得一讚，厚身多肉，一咬又多汁鮮甜，味道十分清甜，加上爽甜的湯飯，軟熟入味。再叫多個甜品，原隻木瓜桃膠奶凍，$55,冰凍可口，中間釀有香甜嫩滑的奶凍，加上淋身剛好熟的木瓜一齊食，味道好夾。