Video
Read full review
2018-11-28
1440 views
樸生•素食係自助形式嘅素食餐廳，嗰晚同媽媽去青衣城行街，晚餐想食清啲，所以揀左間素食餐廳，點知素食都可以做得咁好食，食得仲飽！先揀一款主菜，之後韓式拌飯、部隊鍋、甜品沙律都係任你食🙊全部都係素喔🌱自助嘅食物質素大部分不過不失，反而要講主菜個香煎素豬肉流心芝士漢堡扒($188)真係幾出色！做到比真正豬肉好食，流心部份用咗年糕來代替，好Q軟，整體食落鬆化又有豬肉香🤤好正！另一份主食要左素芝士炸素魚腐漢堡($168)，炸魚柳就用炸豆腐代替，素芝士食落同車打芝士一樣味😳仲係半溶狀態，好食啊！豆腐食落似魚蛋咁彈牙，應該係百頁豆腐~麵包外脆內軟👍🏻講返自助區，有兩款沙律都幾吸引，係南瓜同紫薯！但個人覺得南瓜沙律正啲，係日本南瓜🎃仲有個南瓜粥，其實都食唔到有米😂完全係南瓜蓉加白木耳、松子、杞子，超級養生！默默地食咗兩碗🤤甜品方面就真係麻麻地😧只有豆腐花最好！仲可以加芝麻糊！芝麻糊味道偏甜，配豆腐花啱啱好，就唔洗再落糖☺️btw芋圓真係好唔掂，零煙韌，食落完全唔係芋圓嗰種感覺🤦🏻♀️南瓜撻同朱古力撻又係，撻皮又厚又軟，個餡就真係一粒朱古力同類似南瓜凍嘅嘢，唔得🙁等主菜期間食自助吧已經食到飽飽地😂主菜麗都
樸生•素食係自助形式嘅素食餐廳，嗰晚同媽媽去青衣城行街，晚餐想食清啲，所以揀左間素食餐廳，點知素食都可以做得咁好食，食得仲飽！
先揀一款主菜，之後韓式拌飯、部隊鍋、甜品沙律都係任你食🙊全部都係素喔🌱
自助嘅食物質素大部分不過不失，反而要講主菜個香煎素豬肉流心芝士漢堡扒($188)真係幾出色！
做到比真正豬肉好食，流心部份用咗年糕來代替，好Q軟，整體食落鬆化又有豬肉香🤤好正！
另一份主食要左素芝士炸素魚腐漢堡($168)，炸魚柳就用炸豆腐代替，素芝士食落同車打芝士一樣味😳仲係半溶狀態，好食啊！豆腐食落似魚蛋咁彈牙，應該係百頁豆腐~麵包外脆內軟👍🏻
講返自助區，有兩款沙律都幾吸引，係南瓜同紫薯！但個人覺得南瓜沙律正啲，係日本南瓜🎃
仲有個南瓜粥，其實都食唔到有米😂完全係南瓜蓉加白木耳、松子、杞子，超級養生！默默地食咗兩碗🤤
甜品方面就真係麻麻地😧只有豆腐花最好！仲可以加芝麻糊！芝麻糊味道偏甜，配豆腐花啱啱好，就唔洗再落糖☺️btw芋圓真係好唔掂，零煙韌，食落完全唔係芋圓嗰種感覺🤦🏻♀️南瓜撻同朱古力撻又係，撻皮又厚又軟，個餡就真係一粒朱古力同類似南瓜凍嘅嘢，唔得🙁
等主菜期間食自助吧已經食到飽飽地😂主菜麗都食埋真係好飽，食埋甜品同養生粥真係飽到行唔到🤰🏻部隊鍋真係無位再食🙌🏻
Post
