The Socialhouse (Renamed) View

今次想推介嘅食肆， 係位於大坑嘅The Socialhouse, 大坑嘅餐廳一向都予人外國feel嘅感覺, The Socailhouse亦不例外，一經過，已經被木色嘅外牆所吸引， 加埋大大個玻璃窗， 好有離港嘅感覺。餐廳嘅裝修以紅色為主題， 第一個感覺就係好有西班牙嘅氣息。餐廳播放著輕鬆嘅音樂， 環境舒適，確實係一個把酒暢談嘅好地方。有佳餚點會冇美酒，叫咗一杯 Cosmopolitan$88，呢款vlassic cocktail Vodka味突出, 配埋lime juice同cranberry juice, 酸酸甜甜 女士至愛。講一下食物，Salad: 芒果柚子黑毛豬火腿沙律 $108, 沙律賣相精緻，紅色底層係風乾黑毛豬火腿， 油香滿溢，食落甘香。黃色嘅芝士脆片， 咬落卜卜脆，帶點鹹香。青瓜柚子粒混合芒果酸酸甜甜， 食落寧舍開胃。蕃茄香草麵包，每一件香草包上面都有蕃茄乾，點黑醋同埋橄欖油，調和與提升味道，還可顛覆味覺，教人胃口大開。廚師是日推介，白酒檸檬汁番茄煮貴妃蚌$148， 大廚每一日都會搜羅最新鮮嘅食材， 今日最新鮮嘅就係貴妃蚌， 大大隻，最適合就係做開胃嘅前菜。 白酒汁微微