Video
Read full review
2022-10-27
261 views
🤩創意無限高質fusion菜🤩呢間小店 朋友一早已經同我推介過 係充滿着創意嘅高質fusion菜 咁啱今晚行開佐敦同油麻地附近 就一於過去睇吓佢啲創意料理有幾特別啦🥳 餐廳環境入型入格 店員仲好熱心同我哋介紹唔同創意料理嘅特色 service比足100分👍🏻-🍗孜然風味原隻單骨雞翼 $60唔好聽到孜然就以為會係平時串燒店嘅水準 佢反而會好似高級日本居酒屋咁 有炸到啱啱好嘅雞翼 再加上少少嘅孜然粉增添風味 但唔會搶咗食材本身嘅原味👍🏻 雞翼外皮好脆口但唔會油膩 入面嘅肉仲係好嫩好juicy 😋 雖然話係單骨雞翼 但係其實都幾大份 做前菜就啱晒啦😚-🐮慢煮牛肋條配香煎上海年糕 $158呢一道菜除咗好有創意之外 仲好花心思 上海年糕會特別將其中一邊煎至脆身 而保留另外三邊煙韌軟糯嘅口感 有少少似鍋貼🤤 慢煮牛肋條炆得好淋 但同時亦都保留到肉質同肉味 加上蒜片裝飾 唔怪得係熱門菜式啦😁-🐥濃香XO醬炒雞絲粉皮 $114雞絲粉皮多數都會係涼拌 但係今次餐廳就用咗XO醬爆炒 粉皮喺烹調過後竟然好嫩滑彈牙 掛汁一流😙 XO醬亦都好惹味 後勁會有少少微辣🥵-🍨超脆油炸鬼配芒果汁及雪糕 $68由餐廳即叫
呢間小店 朋友一早已經同我推介過 係充滿着創意嘅高質fusion菜 咁啱今晚行開佐敦同油麻地附近 就一於過去睇吓佢啲創意料理有幾特別啦🥳 餐廳環境入型入格 店員仲好熱心同我哋介紹唔同創意料理嘅特色 service比足100分👍🏻
-
🍗孜然風味原隻單骨雞翼 $60
唔好聽到孜然就以為會係平時串燒店嘅水準 佢反而會好似高級日本居酒屋咁 有炸到啱啱好嘅雞翼 再加上少少嘅孜然粉增添風味 但唔會搶咗食材本身嘅原味👍🏻 雞翼外皮好脆口但唔會油膩 入面嘅肉仲係好嫩好juicy 😋 雖然話係單骨雞翼 但係其實都幾大份 做前菜就啱晒啦😚
孜然風味原隻單骨雞翼
7 views
0 likes
0 comments
-
🐮慢煮牛肋條配香煎上海年糕 $158
呢一道菜除咗好有創意之外 仲好花心思 上海年糕會特別將其中一邊煎至脆身 而保留另外三邊煙韌軟糯嘅口感 有少少似鍋貼🤤 慢煮牛肋條炆得好淋 但同時亦都保留到肉質同肉味 加上蒜片裝飾 唔怪得係熱門菜式啦😁
慢煮牛肋條配香煎上海年糕
7 views
0 likes
0 comments
慢煮牛肋條配香煎上海年糕
3 views
0 likes
0 comments
-
🐥濃香XO醬炒雞絲粉皮 $114
雞絲粉皮多數都會係涼拌 但係今次餐廳就用咗XO醬爆炒 粉皮喺烹調過後竟然好嫩滑彈牙 掛汁一流😙 XO醬亦都好惹味 後勁會有少少微辣🥵
濃香XO醬炒雞絲粉皮
7 views
0 likes
0 comments
-
🍨超脆油炸鬼配芒果汁及雪糕 $68
由餐廳即叫即炸嘅油炸鬼 配上雪糕同埋芒果醬 簡直係驚喜十足😎 本身炸得好脆嘅油炸鬼 帶有少少咸味 同雪糕配上酸酸甜甜嘅芒果醬 竟然出乎意料咁夾 鹹甜鹹甜咁好有層次😍
超脆油炸鬼配芒果汁及雪糕
2 views
0 likes
0 comments
-
🍹特飲
🥥明知茉莉花最愛是椰子 $43
呢杯其實係茉莉花茶底再加椰子奶蓋 口味係比較清新嘅茉莉花茶 加上少少鹹嘅椰子奶蓋 餐廳仲好有心思放咗少少椰絲 好fresh好清新😙
明知茉莉花最愛是椰子
1 views
0 likes
0 comments
🧉成個渡假Feel都翻返嚟 $48
呢杯其實係一杯 用椰青水再配上Espresso加上椰子奶蓋嘅特飲🤯 椰青水加上咖啡 令咗咖啡原有嘅苦味同咖啡酸mild咗啲啲 反而襯托出佢嘅甜味 再加上椰子奶蓋 一如其名 真係成個度假feel都返晒嚟🏝️
成個渡假Feel都翻返嚟
3 views
0 likes
0 comments
-
📍捌壹公館
佐敦吳松街81號地舖
Post
