Video
Read full review
2010-12-12
81 views
食完飯，行埋 IFC ，順道行吓香港站，原來呢度集中一層食肆，可能為方便搭機場快線嘅乘客，上層正是機鐵站，靜中帶旺， GODIVA 落兩層就搵到。 靠左行行到大約中間位置，見到新開張嘅三文治外賣店 Frey & Ford 。走入去睇吓，賣啲特色三文治，由 $18 ~ $24 不等，以食物嘅顏色、味道作為配搭，既有創意且有心思！賣相十分討好！ 好似酒店嘅餐前小食！女店員話我知，約一星期轉一次三文治款式，可帶給食客新鮮感！女店員還殷勤有禮地介紹了好幾款俾我，每款各具特色！令我三心兩意！Giallo Salad ( 原價 $22，新開張優惠 $11 )以烚雞蛋切粒、將雞蛋混合沙律醬、雞蛋沙律面灑上少許黑芝麻作點綴！放喺火箭菜上面，用鬆餅刮空盛載。顏色搶眼！清新怡人！屬輕盈健康下午茶之選！比例上蛋白佔大部分！火箭菜味帶苦澀，可中和蛋黃嘅餾感，如果加上豆苗芽的話，相信食客會較為受落。鬆餅係微咸，有些少煙韌感！至於店員其他推介：Salade Nicoise $20用吞拿魚沙律、酸豆、番茄、雞蛋加生菜放喺一塊全麥小方包上面。Peking Chicken $20過往食到嘅北京填鴨換上雞胸肉代替，鴨肉屬
走入去睇吓，賣啲特色三文治，由 $18 ~ $24 不等，以食物嘅顏色、味道作為配搭，既有創意且有心思！賣相十分討好！ 好似酒店嘅餐前小食！女店員話我知，約一星期轉一次三文治款式，可帶給食客新鮮感！
女店員還殷勤有禮地介紹了好幾款俾我，每款各具特色！令我三心兩意！
Giallo Salad ( 原價 $22，新開張優惠 $11 )
以烚雞蛋切粒、將雞蛋混合沙律醬、雞蛋沙律面灑上少許黑芝麻作點綴！放喺火箭菜上面，用鬆餅刮空盛載。顏色搶眼！清新怡人！屬輕盈健康下午茶之選！比例上蛋白佔大部分！火箭菜味帶苦澀，可中和蛋黃嘅餾感，如果加上豆苗芽的話，相信食客會較為受落。鬆餅係微咸，有些少煙韌感！
至於店員其他推介：
Salade Nicoise $20
用吞拿魚沙律、酸豆、番茄、雞蛋加生菜放喺一塊全麥小方包上面。
Peking Chicken $20
過往食到嘅北京填鴨換上雞胸肉代替，鴨肉屬於紅肉，而雞肉屬於白肉，比較健康；同樣配以青瓜絲、酸瓜及醬汁，放喺烤圓麵餅入面，容易食之餘又夠新鮮感！
Salmon Dill Creme $22
煙三文魚、酸豆、忌廉芝士，放喺一塊全麥小方包上面，並以青檸檬作裝飾。
Poached Egg & Sausage $22
以烚雞蛋、Luganeca 腸仔切粒、紅椒絲，用鬆餅刮空盛載。
我認為如果呢啲三文治作為 Christmas party 嘅餐前小食都唔錯！
三文治以外亦有沙律：Caesar Salad, Bocconcini Salad, Mista Salad $38
此外，男店員遞上一小杯French Onion 洋蔥湯俾我試飲，( 原價 $28 ，新開張優惠 $14 ) ，還提醒我小心熱！ 原本 Size 相等於市面乳酪個紙杯咁大！洋蔥湯用上法國洋蔥，洋蔥絲切得幼身，好腍而且好入味，洋蔥味十分濃烈，連唔食洋蔥嘅我都接受到！加上香料、好惹味！ 可惜，好油！
其他湯：Creamy Carrot, Fungo Cream, Minestrone, New England Com Chowder ；全部 $28。
飲品：咖啡 $20 ~ $30，西式茶、蒸餾水、凍果茶、樽裝果汁 $16 ~ $22
店子嘅餐具係以木造嘅匙羹及叉，幾特別！另提供雜誌給食客閱讀！
$500 或以上提供送貨服務：只限 IFC, Exchange Square, Jardine House, Landmark, Prince Building, Worldwide House & Alexandra House.
Post
