NON CAFE

Open Now

Now Closed

白色牆身，樓底高，落地大玻璃，自然採光，配上綠葉植物，牆上打卡英文金句，米色藤椅及越南風畫作，非常文青舒適。9月初新開嘅小店，我到訪當天係試業第五日。由一班年輕人主理，當中包括一位越南人，服務有禮。最吸引我嘅係河內蛋咖啡，$55，香港真係極少地方有。蛋咖啡嘅發明係因為好耐以前越南牛奶好貴，但為咗做到cappuccino嘅口感，越南人以打發起嘅蛋代替奶泡，久而久之就成為越南河內最有特色嘅飲品。呢度特別選用咗日本蛋。蛋咖啡有熱或冷嘅選擇，店員建議先試熱嘅，其實都係微暖，所以夏天飲都唔怕。感覺就好似食緊蛋味非常香濃嘅日式厚梳乎厘pancake，好香甜。底層嘅咖啡亦都用咗靚豆，非常濃郁。餐廳亦都有提供越式法包等食物。