真心泰國菜館 (Closed)

見到隔離枱客人有碟咖哩， 我呢麵包痴即刻心郁郁。 追問下先知係全新推出既南瓜包，立即order！好快熱辣辣既南瓜包就送上。未開始食已被原個特選農夫包吸引， 輕輕切開包邊， 咖哩汁已不斷流出。 呢個咖哩汁非一般咖哩汁， 不但稀適中， 仲加入蛋， 直頭係濕炒咖哩蟹果種做法， 絕不欺場！ 因為呢個汁， 本身話要戒澱粉質既我， 都將整個農夫包ko, 好邪惡！咖啡內仲有蝦，鮮魷等海鮮，好豐富呀！真係賣大包！ 幾個仔又貪心樣樣想試下，最好就係叫份小食拼盤啦！呢份泰式小食拼盤(大), 一拎上枱真係嚇親， 甘大份既？！魚餅蝦餅各有6件，仲有春卷雞翼，根本係4-6人份量！ 蝦餅彈牙粉薄，魚餅有魚露香，正呀！香口野係好吸引，新鮮脆香之餘仲要份量十足，抵讚！看似平平無奇既生菜肉碎包， 肉碎好入味又吾會太咸。而且份量十足， 配搭生菜食真係好fresh, 肉碎仲有微辣，能帶出惹味之餘又吾會食到流眼淚，恰到好處！