野郎Stone (Closed)

石燒牛排最近大熱，我同朋友梗係貪新鮮又去試下。我哋搵到依間係厚福街新開嘅店，細細間嘅店仔，款式唔算多，但都有想食嘅部位。我哋點咗板腱同牛肋間隔膜，兩個都係點咗200g。上菜嘅時候會喺牛肉上面鋪張吸油嘅紙，以免煎過程嘅油彈到自己。等咗小會，我哋就打開張紙，繼續煎牛肉嚕。上面有蒜片同黑椒，店家都有提供幾款醬汁，有黑松露蒜蓉、柚子同埋燒汁等，仲有鹽可以點。牛肉肉味都幾豐富，有肉汁，板腱口味比較細密，間隔膜食落就比較香濃。之後我哋續點咗一份骨付牛小排，食落就冇前兩款咁驚喜，所以都係推薦板腱同間隔膜❤️我哋仲加點咗蜆肉味噌湯，海鮮味嘅香氣撲鼻，解膩一流。