Sodam Chicken (Closed)

韓風來襲，無論聽歌、著衫定食野，都唔少得韓國野! 於是最鐘意Oppa既朋友就帶左我黎一齊食Sodam Chicken喇! 諗左好耐食炸雞定焗雞好，炸雞就香口啲但又好似度度都有得食，加上新年已經食得太多煎炸野，為免太熱氣都係試下個蜜糖蒜香焗雞啦($175)! 雞嘅份量唔算太多，蒜味唔算好濃，啲蒜都好香口。本身以為會成層蜜糖醬包住啲雞，但原來唔係，反而好似係用蜜糖去中和下蒜香味，而焗雞相比起炸雞的確係無咁油膩，望落去外層乾身，但食落都係鎖住到啲肉質架。另外叫左個墨魚仔辣炒年糕($138)，個味道係都幾道地嘅韓式辣味嚟，材料除左年糕之外仲有啲魚糕、墨魚仔同蛋，年糕煙靭得黎好有口感，而且索哂啲辣味，會愈食愈辣，但又好莣味。食辣嘢唔小得凍飲啦，我同朋友一人叫左杯飲品，我就叫左杯蜜桃味嘅啤酒($78)，同一般果味啤酒差唔多，但蜜桃味係小見啲，味道都幾fresh同甜，幾岩女仔飲。朋友就要左杯乳酸燒酒($78)，乳酸味會比較重，但朋友反而幾鐘意，因為如果唔係飲開酒嘅人都未必接受到燒酒嘅味道，但要酒精重嘅就未必岩你喇!