壽司郎 (瓊華中心)

Open Now

Now Closed

之前一路都好想去試香港嘅壽司郎，但係每次見到門口嗰條長龍要排幾個鐘冇心機排，好彩而家個Apps可以響網上訂位，於是去試吓旺角呢一間壽司郎。由於book咗位所以去到等一陣就已經可以安排入座，安排左卡位兩個人坐得好舒服，佢哋係用屏幕點餐，運輸帶上面都會有一啲其他壽司供應，而家做緊螃蟹祭有好多唔同嘅蟹壽司選擇，價錢有平有貴，大部份都係29或者$39 一碟。我哋叫咗松葉蟹腳壽司，蟹肉蒸蛋，北寄貝、魷魚、鮟肝壽司、貝類三味，炸番薯條等等，最後再叫咗必食嘅野莓芭菲作總結，一共食咗27碟壽司大約食咗四百幾蚊，暫時冇得去日本，唯有響香港壽司郎頂住癮先啦！