Video
Read full review
2018-06-10
1790 views
我一嚟到見到部𨋢封住咗，唔知係突然壞咗定一直都係咁啦，溫馨提示：有需要搭既吃貨留意喇~第一次食Jollibee，驟眼睇非本地人多過香港人，可能呢一個係非本地人嘅天堂，呢度名不虛傳，果然係姐姐們嘅天堂，因為當時我四周都被姐姐們包圍住， 好不熱鬧。咁第一次食Jollibee，第一件事梗係睇咗餐牌有咩食先啦。食香港嘅快餐店大既我 e.g.食麥當勞同kfc咁，見餐店都好少有粉麵類， 我第一下見到有意粉 真係覺得新奇又有趣，但我見到我隔離嘅姐姐都有食，唔知係咪真係咁好食呢？去到呢到又好肚餓既吃貨有興趣可以試下可惜我今次就無食到而我今次order咗兩個set，一個係兩件樂脆雞配指定美食，另一個係滋味套餐；佢地惟一既分別就係前者配薯條，後者配磨菇飯+香芒蜜桃批，而兩者都有兩件雞件同汽水先講一講個主角 - 炸雞佢配有一個醬汁，試真啲，佢嘅醬汁正正係蘑菇飯嘅蘑菇汁，呢個汁我食到一半先知道原來for點雞嘅。佢嘅雞其實唔點汁到ok，都夠鹹，而佢嘅皮 脆得黎唔覺得熱氣，程度點到即止；而最難忘必定係佢裏面既肉質，不單單係雞搥，連雞上脾都嫩滑到冇得彈，juicy既！個飯就比較硬，無汁都好難食得到，磨菇少，磨菇都
第一次食Jollibee，驟眼睇非本地人多過香港人，可能呢一個係非本地人嘅天堂，呢度名不虛傳，果然係姐姐們嘅天堂，因為當時我四周都被姐姐們包圍住， 好不熱鬧。
咁第一次食Jollibee，第一件事梗係睇咗餐牌有咩食先啦。食香港嘅快餐店大既我 e.g.食麥當勞同kfc咁，見餐店都好少有粉麵類， 我第一下見到有意粉 真係覺得新奇又有趣，但我見到我隔離嘅姐姐都有食，唔知係咪真係咁好食呢？去到呢到又好肚餓既吃貨有興趣可以試下可惜我今次就無食到
而我今次order咗兩個set，一個係兩件樂脆雞配指定美食，另一個係滋味套餐；佢地惟一既分別就係前者配薯條，後者配磨菇飯+香芒蜜桃批，而兩者都有兩件雞件同汽水
先講一講個主角 - 炸雞
佢配有一個醬汁，試真啲，佢嘅醬汁正正係蘑菇飯嘅蘑菇汁，呢個汁我食到一半先知道原來for點雞嘅。佢嘅雞其實唔點汁到ok，都夠鹹，而佢嘅皮 脆得黎唔覺得熱氣，程度點到即止；而最難忘必定係佢裏面既肉質，不單單係雞搥，連雞上脾都嫩滑到冇得彈，juicy既！
個飯就比較硬，無汁都好難食得到，磨菇少，磨菇都帶點草菇既味道，整體味道偏淡。
薯條份量十分少，薯條有清清既薯仔味道，而無加工既鹹味，頗天然，適合無咁重口味既吃貨。而佢既茄汁有啲窩心既位，就係佢好user-friendly，開口得一個，mit完唔會成手都係。
最後就有都幾令人驚喜既香芒蜜桃批。佢既大小係十分迷你，內裡有分明既芒果同蜜桃味，餡料就有蜜桃粒，對我黎講感覺幾新鮮，味道不錯而且溫度keep得好好，食既時候微熱，口感似McDonalds既蘋果批，值得一試
整體黎講除咗雞件同香芒蜜桃批比較出色之外，其餘都為正常，可惜既係佢既雞得一款：唔辣，如果好似我咁中意食辣既就會覺得可惜咗啲，但雞都真係好好食，可以力保不失。
補充一句，佢既可樂無特別溝水，少冰既可樂依然可以保持十分冰冷，證明佢既汽水機性能仍很好，讚
Post
