Video
Read full review
2024-01-16
194 views
終於到咗可以瘋狂打邊爐食羊腩煲既季節 😋,雖然天氣時凍時熱 ,但無阻我吃貨嘅心情🤭平時都係食開啲大型連鎖嘅火鍋店，今次喺網上見到有人分享呢間位於旺角既二鍋頭就一直心思思想去食🤭究竟有咩吸引到我？ 就係竟然有羊腩煲任食😱😋雖然今季我已經食咗幾次羊腩煲🤭但係出面食羊腩煲真係好貴，仲要二三百蚊一煲得好少羊腩未夠喉😮💨今次只係需要加$88就有得任食羊腩！-餐廳有三個唔同既Set可以揀分別係SetA（精選牛肉）成人$228SetB (嚴選安格斯牛) 成人$ 268Set C (特級極上和牛）成人$ 318我同朋友商量後就揀咗SetB (嚴選安格斯牛)成人$268+$88羊腩煲任食再加一 人均大約$391本身都想揀Set C ，我見個SetC勁多野食🤤但個胃應該無咁多位 ，所以就揀SetB試下啦🤭-餐廳位於旺角中心對面，交通非常方便就腳👍🏻👍🏻今日平日8.30pm去到餐廳都有唔少客人，今次安排咗我哋坐卡位，座位寬敞坐得好舒服☺️本身以為餐廳好細，點知原來另外一邊都係屬於佢哋嘅 ，個邊有火鍋配料自助區，款式都有好多😋同埋我見到佢哋有間房有張大圓枱應該可以俾多人嘅時候包房用，至於詳情就可以致電餐廳問下
平時都係食開啲大型連鎖嘅火鍋店，今次喺網上見到有人分享呢間位於旺角既二鍋頭就一直心思思想去食🤭
究竟有咩吸引到我？ 就係竟然有羊腩煲任食
😱😋雖然今季我已經食咗幾次羊腩煲🤭但係出面食羊腩煲真係好貴，仲要二三百蚊一煲得好少羊腩未夠喉😮💨今次只係需要加$88就有得任食羊腩！
-
餐廳有三個唔同既Set可以揀分別係
SetA（精選牛肉）成人$228
SetB (嚴選安格斯牛) 成人$ 268
Set C (特級極上和牛）成人$ 318
我同朋友商量後就揀咗SetB (嚴選安格斯牛)成人$268+$88羊腩煲任食再加一
人均大約$391
本身都想揀Set C ，我見個SetC勁多野食🤤但個胃應該無咁多位 ，所以就揀SetB試下啦🤭
-
餐廳位於旺角中心對面，交通非常方便就腳👍🏻👍🏻今日平日8.30pm去到餐廳都有唔少客人，今次安排咗我哋坐卡位，座位寬敞坐得好舒服☺️本身以為餐廳好細，點知原來另外一邊都係屬於佢哋嘅 ，個邊有火鍋配料自助區，款式都有好多😋同埋我見到佢哋有間房有張大圓枱應該可以俾多人嘅時候包房用，至於詳情就可以致電餐廳問下👍🏻
-
講番個羊腩煲先，一黎到就香噴噴，睇見都充滿食慾🤤原本以為任食既質素可能會低啲，點知出乎意料之外😱羊腩炆得好淋入晒味，個部位仲要係勁適中，係真正既腩位間肥間瘦勁好味🤤佢入味既程度係唔使腐乳都勁夠味😋仲要個煲入面其他料都好正！有馬蹄 ，冬筍腐竹，我仲出去自助區拎咗冬菇放入去慢慢煲🤭諗番起又餓了🤤
-
原來唔止任食羊腩煲，仲有得任食雞煲，豬手煲，牛尾煲😱但個胃既空間有限🤣直接跳去打邊爐啦🤭
哇！火鍋湯底都有10款可以揀，個個味都咁吸引，就問下可唔可以鴛鴦鍋🤭鴛鴦鍋要+$40
揀左兩個比較特別嘅湯底分別係胡椒豬肚雞同泰式冬陰功😋個湯底都好足料同好濃郁😋
-
再睇吓SetB(嚴選安格斯牛)火鍋放題有咩食先，種類都好多，牛類分別有牛板腱，封門柳，牛胸腹，本地滑牛肉等等。。。
海鮮類有青口， 帆立貝，蝦，花枝片，沙白蜆等等。。。我將海鮮放晒喺冬陰功個湯度，完美配搭😎
-
最後食咗好多嘢之後，仲有雪糕雪條作為結尾🤤我試左榴槤雪條，一打開已經好大味🤭正啊
滿足的一餐😋羊腩煲任食真係回本之選😎
Post
