Video
Read full review
2021-03-26
185 views
疫情下weekend同一班好友行山再食飯吹水已經係生活中嘅小確幸～友人話想打邊爐，又咁啱見呢間火鍋鋪d相個鍋中間有一條好似煙囪嘅管，宮庭式設計個concept幾特別於是去試試～ 火鍋鋪採用古典器皿，九宮格醬料嘅豉油壺同裝竹蔗茅根個壺就仿宮庭銅器，印有圖騰 ，好有心思～鍋底我地揀左胡椒酸菜魚鍋。雖然侍應生將鍋底端上果刻先發現原來胡椒酸菜魚湯係用四方鍋而唔係用宮庭式鍋，但呢款湯底酸得嚟唔係好辣，十分開胃。而且魚片、酸菜、芽菜同豆卜嘅分量好多好足料，唔錯唔錯！食物嘅整體質數中上，擺盤吸睛！頂級雪花牛肉上盤時仲有乾冰營造出仙氣，牛肉油脂分佈平均唔韌。西班牙黑毛豬好爽，完全冇雪味。 打邊爐又點少得肉丸同餃子拼盤～餃子拼盤有韭菜豬肉餃、黑松露蟹肉餃、蟹黃餃、鳳尾鮮蝦雲吞各兩粒。原本最期待嘅蟹黃餃顏色就夠晒橙黃但味道唔係好出，反而鳳尾蝦雲吞幾爽口鮮甜，成條蝦尾出晒嚟，好過癮！手打蟹子蝦滑、黑松露墨魚滑雙拼可以自己控制分量，兩種滑都好爽口彈牙。肉丸拼盤有爽骨豬肉丸、手打鮮牛肉、松露芝心墨魚丸、手打蟹子鮮蝦丸、手打蟹子墨魚丸各兩粒。爽骨豬肉丸幾出色，juicy得嚟因為混入左軟骨令口感十足！我哋仲叫左響鈴
火鍋鋪採用古典器皿，九宮格醬料嘅豉油壺同裝竹蔗茅根個壺就仿宮庭銅器，印有圖騰 ，好有心思～
竹蔗茅根
6 views
0 likes
0 comments
鍋底我地揀左胡椒酸菜魚鍋。雖然侍應生將鍋底端上果刻先發現原來胡椒酸菜魚湯係用四方鍋而唔係用宮庭式鍋，但呢款湯底酸得嚟唔係好辣，十分開胃。而且魚片、酸菜、芽菜同豆卜嘅分量好多好足料，唔錯唔錯！
胡椒酸菜魚鍋
23 views
0 likes
0 comments
食物嘅整體質數中上，擺盤吸睛！頂級雪花牛肉上盤時仲有乾冰營造出仙氣，牛肉油脂分佈平均唔韌。西班牙黑毛豬好爽，完全冇雪味。
頂級雪花牛肉
19 views
0 likes
0 comments
打邊爐又點少得肉丸同餃子拼盤～餃子拼盤有韭菜豬肉餃、黑松露蟹肉餃、蟹黃餃、鳳尾鮮蝦雲吞各兩粒。原本最期待嘅蟹黃餃顏色就夠晒橙黃但味道唔係好出，反而鳳尾蝦雲吞幾爽口鮮甜，成條蝦尾出晒嚟，好過癮！
手打蟹子蝦滑、黑松露墨魚滑雙拼可以自己控制分量，兩種滑都好爽口彈牙。
肉丸拼盤有爽骨豬肉丸、手打鮮牛肉、松露芝心墨魚丸、手打蟹子鮮蝦丸、手打蟹子墨魚丸各兩粒。爽骨豬肉丸幾出色，juicy得嚟因為混入左軟骨令口感十足！
我哋仲叫左響鈴、白菜仔、木耳、鴨血，質素都好好！最後仲加左廣島蠔，好肥美好甜！正！
除咗享受美食，友人仲帶嚟升職好消息！米飯班主好豪爽咁請大家食飯！
祝友人升職事事順利！步步高陞！大家都加油努力希望有好消息再一齊慶祝！
Post
