The Pantry & Chips Republic

Open Now

Now Closed

啲人話人人去咗北上，餐廳無曬生意，我就覺得最緊要係睇餐廳質素。好似The Pantry咁8點鐘都仲要排隊🥲烤大蝦冬蔭公意大利飯配魷魚＆草菇： 驚喜十足，大大隻嘅烤大蝦，肉質鮮嫩彈牙。冬蔭公湯底酸辣開胃，同意大利飯的軟棉棉口感完美融合。配埋彈牙嘅魷魚同草菇，成個層次更加豐富。新鮮海膽，香煎帶子及蟹肉海膽忌廉汁意粉： 呢個係海鮮控必嗌嘅意粉，新鮮海膽嘅鮮甜，加埋香煎帶子陣陣焦香，仲有蟹肉海膽忌廉汁加配滑順，恰到好處。甜品方面叫咗一份Ricotta 厚班戟，入面有焦糖牛油，楓葉糖漿＆水果。口感鬆軟，每一口都食到濃郁嘅奶香。搭配香甜的焦糖牛油和楓葉糖漿，以及酸甜的水果，口感豐富多層次，認真令人回味無窮。另外又點左朱古力奶昔，唔會太甜相反係濃郁香醇，啱曬我呢啲鍾意飲朱古力嘅人。