Video
Read full review
2021-02-17
2810 views
係虹橋搵台式餐廳食，見到木玥巷名列前茅，誤打誤撞終於去到。去到時，見到呢個畫面以為新年假期未開……再轉個彎望到正門就知大件事，原來呢間係當區人氣店鋪。幾經辛苦下，終於獲安排入座。裝修、間隔都好「試正」，完全估唔到虹橋會出現呢類高級餐廳，尤其是seat位好好坐，適合同朋友傾計。睇過餐牌，感覺都幾多選擇，雞、豬、牛，甚至係鰻魚都有得食。等開飯個陣，望到餐桌後嘅鐘好有現代感。由落單到上碟，過程都好快，唔使等得太耐。蒲燒鰻魚飯 $78跟餐有個醒胃前菜，材料有青瓜、紫椰菜、西柚，再有啲麻油、黑椒衝擊味蕾tim。照燒鰻魚好juicy ，傳出好香嘅鰻魚味😋未放入口已經流晒口水，鰻魚汁好惹味，配上珍珠米 胃口大增。木玥招牌便當 $74待應哥哥未上菜已經芬芳馥郁，呢個飯一上台已經好吸睛，第一眼就見到一隻超巨型雞脾，再加埋d滷水，撈飯簡直一流。另外配菜有肉鬆、鵪鶉蛋、泡菜及青瓜......酸酸甜甜，食到停唔到口。台灣雙色腸 $46雖然食落差唔多味，但實際上係分為原味同墨魚味。台灣腸切得厚度適中，方便食客用餐。值得一讚係佢呢款醬，味道好特別，有啲甜甜哋，又有啲微辣，仲食得出有陣柚子味，試過就上癮。木玥黃金水
去到時，見到呢個畫面以為新年假期未開……
再轉個彎望到正門就知大件事，原來呢間係當區人氣店鋪。幾經辛苦下，終於獲安排入座。裝修、間隔都好「試正」，完全估唔到虹橋會出現呢類高級餐廳，尤其是seat位好好坐，適合同朋友傾計。
睇過餐牌，感覺都幾多選擇，雞、豬、牛，甚至係鰻魚都有得食。
等開飯個陣，望到餐桌後嘅鐘好有現代感。由落單到上碟，過程都好快，唔使等得太耐。
蒲燒鰻魚飯
$78
70 views
0 likes
0 comments
跟餐有個醒胃前菜，材料有青瓜、紫椰菜、西柚，再有啲麻油、黑椒衝擊味蕾tim。
照燒鰻魚好juicy ，傳出好香嘅鰻魚味😋
未放入口已經流晒口水，鰻魚汁好惹味，配上珍珠米 胃口大增。
木玥招牌便當
$74
79 views
1 likes
0 comments
待應哥哥未上菜已經芬芳馥郁，
呢個飯一上台已經好吸睛，第一眼就見到一隻超巨型雞脾，再加埋d滷水，撈飯簡直一流。
另外配菜有肉鬆、鵪鶉蛋、泡菜及青瓜......酸酸甜甜，食到停唔到口。
台灣雙色腸
44 views
0 likes
0 comments
台灣雙色腸 $46
雖然食落差唔多味，但實際上係分為原味同墨魚味。
台灣腸切得厚度適中，方便食客用餐。
值得一讚係佢呢款醬，味道好特別，有啲甜甜哋，又有啲微辣，仲食得出有陣柚子味，試過就上癮。
木玥黃金水果茶 跟餐+$28
最初見餐飲加咁多錢都有些少猶豫，不過見到人地咁大杯加上用上新鮮嘅水果，所以照加就係。
飲品主要有百香果嘅果酸，配合鳳梨嘅甜味，整體係非常清甜，解渴一流。
杯頂有原片鳳梨，最底仲有百香果籽，補充飲品嘅口感。
總結：
整體質素、服務比預期好，難得係呢個小區有咁高質嘅餐廳，值得推介。
餐廳未開鋪就好多人排隊，準時達陣先確保可以入座。
Post
