神經餵飼 (Closed)

早排去花墟買花前，順便在太采附近食野，原先想食果間只做外賣，經朋友介紹，就去左食神經餵飼。（我遲左寫😅）開頭聽個名都唔知食乜，仲覺得好奇怪，好擔心中伏。好彩，趕得切廚師落場前食到個午餐😋😋意外地好食👍🏻👍🏻👍🏻朋友叫左豆腐飯同茶，我叫左漢堡包同mocha 。全部都超好味😋豆腐飯啲飯係用日本珍珠米，粒粒分明，好有𡁻口，又有飯香😌😌好耐未食到一間餐廳有咁好食嘅飯。豆腐都唔錯，但我眼中佢變左配角🤣手打和牛漢堡，應該都真係手打，等左好耐先有得食，但值得等待👍🏻👍🏻好好味😋朋友嘅茶同我杯mocha 都好飲，好適合打卡用。mocha 咖啡同朱古力味都唔會太搶，各有千秋，唯一投訴係個拉花太普通。同朋友好relax 咁chill左一個下晝，可惜食唔到蛋糕……最唔開心係，原本仲好開心咁諗，以後去太子都唔使煩食咩。點知…..第二日…..ig 就話做埋今個日唔做….😭😭😭真係好可惜，希望後會有期。