地茂館甜品

Open Now

Now Closed

同屋企人食完飯去左食糖水，上網見到呢間口碑唔錯，仲有好多港式糖水食，就黎試下，都幾多人，要排一陣先入得，而且座位都幾學習，好多人快快食完就走，我地都係，費事要街外邊嘅客人等咁耐啦。芝麻糊非常濃郁，陣陣芝麻香撲鼻，而且入口好軟滑，屋企人讚不絕口。糖不甩Q 彈冇餡湯圓，外面痴滿花生糖芝麻，我仔好鐘意食，勁快就清左碟。腐竹白果薏米我嗌左凍既，白果薏米口感好煙韌，加埋糖水好清甜，又可以清下熱氣。椰汁馬豆糕紫米糕係唔算太甜，有清新嘅豆香米香，口感唔錯。紫米露我老公叫既，佢話好食，紫米煮到岩岩好。要喺九龍城搵甜品，相信有好多間，呢間的確味道唔錯，可以有下次。