嫲嫲辣辣 (首都廣場) (Closed)

天氣開始涼涼涼地，又係時候尋找暖身嘅美食 🤤 初時見到呢間麻辣干鍋好似好辣咁，但原來可以自選辣度！咁就一於食下佢啦 😆首先揀想食嘅干鍋，再喺麻辣、酸辣同孜然入面揀一款味道，之後決定辣度同配料就可以啦～ 香辣東風螺干鍋（孜然·微辣）我屬於鍾意食辣但又怕辣嘅人，所以選擇微辣就最穩陣啦 😆 孜然味好香口但唔嗆口，微辣對於我來講真係剛剛好 👍🏻 配料方面，揀咗魷魚鬚、蜆、雞蛋干、腩肉同埋紅薯粉，海鮮類全部都好新鮮，雞蛋干同埋腩肉就夠入味，至於紅薯粉就好掛汁，食落去嘅每一種配料每一啖都充滿着香辣嘅孜然味，同埋食材嘅鮮味，好正 😍 而且佢哋比料比得好足，成個干鍋勁大個，我覺得自己應該食咗過百粒東風螺 😂蓮藕仔炒雞腎屬於酸辣口味～ 蓮藕仔真係好得意！佢個樣生到成條蔥咁，要近睇先至見到嗰啲蓮藕窿窿好搞笑 😂 而且個口感都好似蔥，爽爽地但超級吸汁，又爽又酸辣好好食 😋 雞腎煮得唔硬而且口感幾好，配合埋又係好掛汁嘅雲耳，我覺得呢一碟絕對可以餸到兩碗飯 🤤酸辣炒土豆絲我發現佢哋個酸辣汁真係整得好好，唔算辣得太厲害但係夠香，配合埋爽口嘅土豆絲，差啲忍唔住想叫碗白飯 🙈呢度坐得好舒服，除咗豆漿汽水之外，仲有啤酒