Video
Read full review
2016-06-11
416 views
香港既韓國餐廳越來越多，可以用氾濫形容，想搵一間正宗既都難。見B家炒雞上曬報，抱住期待既心態一試，果然冇令我失望！雖然間鋪主打炒雞，但由於本人係部隊鍋迷，於是order部隊鍋先。呢間部隊鍋好足料，不過睇落又同其他冇乜分別，都係餐肉腸仔芝士等等部隊鍋基本野，心唸又要失望啦，點知！一食就不能自拔！每份材料都索曬湯汁，年糕煙韌雞肉嫩滑，餐肉更有韓味！最特別係d湯汁，同出面既有小小唔同，有地道韓國風味，辣度適中，但真係食到彷彿置身韓國！紅卜卜既豆腐湯除左有豆腐蔬菜，仲有d牛肉碎響入面。呢個湯跟碗白飯，但真係好辣。老闆見我地食到飆曬汗流曬口水，即刻比左幾杯冰水我地，仲將碗豆腐湯拎返入廚房問大廚有冇方法減少辣度。當時好擔心會唔會溝水沖淡曬d味，點知拎返出尼既時候再試真係冇咁辣，d味都冇淡到，仍然有好濃郁既豆腐湯味，大廚果然厲害！尼到韓國餐廳又點可以唔試炸雞。呢度炸雞有兩種味(原味同甜辣味)醒目既梗係order半半雞啦！咩意思？半隻原味半隻甜辣味lor~半半雞擺盤好靚，雞既每個部位都分明清晰，全隻雞無庸置疑呀。原味炸雞個樣有d似kfc家鄉雞，但個皮夠薄冇家鄉雞咁多粉咁厚，炸到酥脆但又唔窿，卟卟脆咁，
部隊鍋
20 views
0 likes
0 comments
豆腐湯
15 views
0 likes
0 comments
半半雞
18 views
0 likes
0 comments
半半雞擺盤好靚，雞既每個部位都分明清晰，全隻雞無庸置疑呀。
原味炸雞個樣有d似kfc家鄉雞，但個皮夠薄冇家鄉雞咁多粉咁厚，炸到酥脆但又唔窿，卟卟脆咁，肉質嫩滑多汁，真係雞汁唔係油呀！
甜辣醬唔會太辣，配埋檸檬汁更加冇得頂，醬汁包裹住雞塊每一個部位絕無甩漏。半半雞不單止有賣相，更加有實力！
今次不枉我呢個元朗人山長水遠長途跋涉出到尼，以後想食正宗韓國菜一定會再搵呢間餐廳，老闆勁nice又靚仔，店員服務態度超好有禮貌又貼心，大廚既功底完全稱得上星級。下次要試埋招牌B家炒雞，拉大隊試埋其他小菜至得！
Post
