GāGǐNāng 飯館 (Closed)

店名已經講明係「GāGǐNāng」「自己人」，大家都會試既潮州嘢，不過佢嘅中菜其實都好出色。近期有期間限定menu ，即刻試吓。蟹肉炒桂花看似平凡，其實要加上湯將粉絲芽菜同蛋炒得乾身又入味都考功夫，呢度做到仲配埋娃娃菜包住食口感清新。梅子醬羊膝其實係羊架，梅子醬配羊出奇地夾，唔知係唔係梅子酸味抵消左羊果啲羶味，加埋梅子醬炒的秋葵與雜菇同埋個擺碟其一好有fusion菜feel，不得不提佢個花膠響螺湯，味道清甜重點係有小蠟燭一路保持個湯夠熱，隔咗陣先飲個湯都仲係夠熱，呢個係細心嘅安排。另外清炒菜心苗都唔差，又係有細心位，個碟係熱所以啲菜唔會好快凍哂，啲菜心苗食到一半都仲係暖，感覺好好。