Video
Read full review
2022-05-17
183 views
一直都有bookmark開呢間叫香香宮煮嘅火鍋店，直至上星期，終於有機會可以一嘗呢間玩味火鍋😜 店內嘅環境真係設計到一個個宮殿咁，非常古色古香！而食物都幾唔錯，等我為大家逐一介紹吓😋打邊爐最重要係個湯底！今次我哋揀咗酸菜魚鍋，餐廳為每個湯底都設有一個公主名，非常有心機🤣 而呢個湯底係用咗佢哋自家醃製嘅酸菜同龍躉片，再加上豆卜芽菜等配料。個湯酸酸辣辣好惹味，加上龍躉片份量夠哂多，口感又爽滑，幾推介👍🏻 但如果胡椒或花椒味重啲會更正🥺打邊爐點可以冇牛肉😋 我哋嗌咗呢個牛肉拼盤，一上到嚟真係「嘩嘩聲」！賣相好有氣派，打卡啱哂🤣 四款牛入邊最鍾意緊係日本飛驒和牛，肉質超嫩滑，真係有入口即溶嘅感覺🥰 另外澳洲和牛、本地手切牛肉同埋頂級雪花肥牛都唔錯，就算煮耐咗食落一啲都唔會鞋口，牛味仲幾濃郁！🌟 蟶子皇 $188 海鮮方面，我哋見佢嘅蟶子皇都幾多人推介，所以都嗌咗份。蟶子皇總共有四隻，雖然價錢有啲進取，但都真係幾好食😌，每隻都長過我隻手掌，食落鮮甜夠爽口，果然係一分錢一分貨😂🌟 日本廣島蠔 $128其實平時打邊爐好少嗌蠔食，因為唔係好食熟蠔，但今次見隔離枱嗌咗見幾吸引都叫咗份。每隻蠔大大
蘭陵公主·胡椒酸菜魚鍋
$298
13 views
0 likes
0 comments
玉面公主四國牛肉拼盤
$498
24 views
1 likes
0 comments
10 views
0 likes
0 comments
海鮮方面，我哋見佢嘅蟶子皇都幾多人推介，所以都嗌咗份。蟶子皇總共有四隻，雖然價錢有啲進取，但都真係幾好食😌，每隻都長過我隻手掌，食落鮮甜夠爽口，果然係一分錢一分貨😂
🌟 日本廣島蠔 $128
其實平時打邊爐好少嗌蠔食，因為唔係好食熟蠔，但今次見隔離枱嗌咗見幾吸引都叫咗份。每隻蠔大大隻夠飽滿，烚完食都係好嫩滑，都唔錯，但就未去到好驚喜，可能本身少食熟蠔🤣
手打鮮牛丸/松露芝心墨魚丸
$68
15 views
0 likes
0 comments
佢嗰到有好多款丸提供，當中嗌咗上面兩款丸。不得不說，真係幾驚喜，牛丸雖然唔係平時食開嗰隻爽口彈牙嘅質感，但牛味超級濃郁😍 食落juicy嫩口，正！ 而另一款丸都好出色，原來松露同墨魚丸都幾夾，非常爽口彈牙，而且仲配埋流心嘅芝士，每咬一啖都好滿足🤤
即炸黃金炒響鈴
$88
25 views
0 likes
0 comments
10 views
0 likes
0 comments
呢度啲餃子都好特別，有各式各樣，而我就叫咗從來未食過嘅蟹黃餃，每粒餃子淥完之後都好似脹大咗倍咁，勁飽滿😋 咬開內餡有絲絲蟹肉，蟹黃亦都好香，如果佢嘅蟹黃再流心啲就更完美😌
冰菜
$48
10 views
0 likes
0 comments
鴨血
$58
18 views
0 likes
0 comments
平時鍾意食麻辣鴨血嘅我都嗌咗一份鴨血，但嗌完先醒起個湯底唔係麻辣湯底，就咁淥鴨血嚟食會無咩味，要點醬料食先夠味，值得讚嘅係佢每舊嘅size都切到啱啱好同埋都幾嫩滑！
自家製足料竹蔗茅根
$68
10 views
0 likes
0 comments
總括而言，呢間火鍋店好值得一試，非常有主題性，環境古色古香，打卡啱晒！而食物質素都偏高質，食物種類非常之多，淨係湯底都有成差唔多十種俾你揀，啱晒一大班人收咗工一齊去烚吓烚吓☺️Post
