Shibui 洋食屋 (Closed)

九龍城一向出名食泰國泰，今次就同朋友們決定一反傳統食下其他菜式先，見到呢間充滿日式懷舊裝修嘅洋食屋，氣氛都好適合一班人慢慢傾下計，於是就試下呢間西日料理啦～澳洲M7和牛肉眼💰HK$198和牛肉眼只係簡單點咗燒汁來食，牛味已經好出，生熟到剛剛好， 旁邊嘅馬鈴薯泥、迷你甘荀、小粟米同秋葵都擺得好精緻～日式味增雞肉捲💰HK$138雞肉捲入口彈牙，好Juicy，旁邊苦白菜同味增馬鈴薯球點埋啲汁都好好味～三文魚💰HK$138三文魚扒下面鋪滿核桃同開心果碎碎，口感特別，有埋炸三文魚慕斯球同日本枝豆泥做裝飾，擺盤好別緻～海鰻茶漬飯💰HK$138海鰻配幾片日本子薑同埋綠茶高湯，本身聽落覺得怪怪地，但撈埋一齊，又出乎意料地夾～蟹肉蟹膏扁意粉💰HK$138個意粉汁係蟹肉濃湯整嘅，有埋芝麻菜同埋車厘茄做點綴，增添咁咗唔少口感，略嫌蟹膏同埋蟹肉比較少～Cheese Cake (Cake of the day)💰HK$38海綿蛋糕底，芝士蛋糕食落去口感軟滑，細細件唔會好漏～