博多拉麵別天神 (Closed)

喺新光戲院睇完戲，一出黎見到對面馬路有間食日本拉麵叫《別天神》嘅餐廳就入去試下。入座前要喺門口自行㩒飛攞位。店面唔大，全部都係bar枱，適合情侶或二人進餐。先食個前菜「蟹籽小龍蝦沙律」。沙律入面真係有幾粒小龍蝦。旁邊擺左紫菜。將蟹籽小龍蝦沙律包入去紫菜入面一齊食，紫菜好脆，蟹籽一咬就爆開，好有口感。跟住食個餃子，點埋漿汁食，酸酸的，很開胃。豚骨拉麵湯底呈奶白色。有三塊豚肉、大量木耳和蔥花，還有兩隻溫泉蛋。平時食拉麵剩係得半隻溫泉蛋，成日食完半隻都覺得唔夠喉，呢度竟然有成隻蛋食，真係令人驚喜！麵質軟硬適中，有口感。