Video
Read full review
2022-08-21
318 views
講真有好多朋友仔一聽到串燒放題可能第一時間覺得食物好打有限,肯定腸丸果d下欄嘢，包括我自己都咁諗，但今次我錯了🤢呢間位於鵝頸橋旁邊既新開海鮮串燒放題店，有著聽落平凡既賣點，品質卻超乎想像地出色，何解？請看下回分解；本身閒日得兩個時段選擇，五半，八半各食兩個半小時，選擇有點少但兩個半鐘都相對兩小時多左食杯雪糕既時間，但係呢間店你唔會有興趣食雪糕因為食物品質太高，根本冇位（本人不代表女性立場，因女性消化系統比較男性複雜）本人是日同同事準時到場，由於新店所以不用等待立刻開爐，有多個套餐選擇但基本上只會選龍蝦套餐，因為各式套餐主要影響非任食既海鮮種類，而且各等級差個廿蚊三十蚊，何樂而不為?請記住海鮮非任食，串燒才是。D龍蝦新鮮到比人劏開左成半個鐘都仲識郁，我當堂嚇左一跳，你睇仲有幾多膏🥰帶子：大大粒燒完成粒可以完整夾出嚟，新鮮度十足，又彈牙又爽口蟶子：份量少左d，好食無砂係真既，但攝牙啦都唔夠😢鮑魚：店員早就去除排泄器官，直接燒，肉質飽滿絕對係食橡筋（回想之前某燒烤店竟然要客自已剪走排泄器搞到勁臭）店員主動幫手燒既龍蝦：肉質真心彈牙海水味仲殘留著，一d都唔霉，真心推介選呢個套餐食完海鮮唔夠喉，
呢間位於鵝頸橋旁邊既新開海鮮串燒放題店，有著聽落平凡既賣點，品質卻超乎想像地出色，何解？請看下回分解；
本身閒日得兩個時段選擇，五半，八半各食兩個半小時，選擇有點少但兩個半鐘都相對兩小時多左食杯雪糕既時間，但係呢間店你唔會有興趣食雪糕因為食物品質太高，根本冇位（本人不代表女性立場，因女性消化系統比較男性複雜）
本人是日同同事準時到場，由於新店所以不用等待立刻開爐，有多個套餐選擇但基本上只會選龍蝦套餐，因為各式套餐主要影響非任食既海鮮種類，而且各等級差個廿蚊三十蚊，何樂而不為?
海鮮龍蝦套餐
$380
4 views
0 likes
0 comments
D龍蝦新鮮到比人劏開左成半個鐘都仲識郁，我當堂嚇左一跳，你睇仲有幾多膏🥰
帶子：大大粒燒完成粒可以完整夾出嚟，新鮮度十足，又彈牙又爽口
蟶子：份量少左d，好食無砂係真既，但攝牙啦都唔夠😢
鮑魚：店員早就去除排泄器官，直接燒，肉質飽滿絕對係食橡筋（回想之前某燒烤店竟然要客自已剪走排泄器搞到勁臭）
店員主動幫手燒既龍蝦：肉質真心彈牙海水味仲殘留著，一d都唔霉，真心推介選呢個套餐食完海鮮唔夠喉，開始食放題串燒，主要以肉類為主，搵條菜食下都冇，頂多得個金菇杯🤯
普遍品質都平均之上，特別推薦：
澳洲一口牛：燒完肉味濃郁，保有肉汁唔會乾癟癟。
三式雞翼：土匪，蒜蓉，麻辣；隻隻都脹卜卜燒完好 juicy仲要入味先抵死。
泰式豬頸肉;肥肉瘦肉相間，做到半肥瘦，油香滿溢.
燒菠蘿：燒完都仲鬼咁甜又多汁，仲要唔使怕有筋，啖啖肉
連皮雞肉串：燒完層皮香噴噴肉質鮮嫩
兩個半鐘話咁快就過，食物品質遠超預期，但依然都有唔少問題
燒烤店普遍都有既問題：
1。爐面積同火力，呢度爐既火力夠但爐面面積係硬傷，建議兩人黎食就剛剛好
2。抽油煙機位置太貼近爐面，估計為咗減少令客人周身油煙味，但離開爐面得1x cm真係要隻手屈黎屈去都反唔係好到d食物（而且時間一耐都仲係成身味）
3。只為肉食獸而存在，蔬菜種類寥寥可數
4。冇酒飲🥲冇酒飲😭冇酒飲😱😱😱😱因為好重要所以講三次，暫時未有酒牌所以要飲要自行買上黎仲要保留收據以防法律責任
5。最後一項就係，即使場地只係半滿，即使不再離座攞野食，即使爐面食物未熟，夠鐘立即趕人。想食埋爐面果少少就準備好佢哋唔同人每2分鐘走黎吹一次同係你旁邊行黎行去，以新店而言真心之前做得幾好都破壞晒個最終印象.
總括黎講有下次但最多兩人黎，多過2個人可能未必食到滿足，希望不久既將來有酒飲，畢業串燒同酒係兩公婆，必須要係埋一齊。
Post
