Video
Read full review
2022-06-25
72 views
機緣巧合，可以去試有名氣嘅魚蛋，撈麵專門店，佢嘅威水歷史，大家可以喺網絡上隨意搜尋到，所以我喺臨食之前都滿心期待，做足功課同準備🌞餐廳設計好好，光猛，坐位闊落舒服，顏色配搭亦好有格調，同埋餐廳好好，配備咗起碼2部銀離子空氣淨化機，確保大家嘅安全👍🏻👍🏻👍🏻 另外亦專設外賣窗口，等坐近門口嘅客人唔洗成日捱開門嗰吓熱氣👍🏻👍🏻👍🏻好貼心😋今次試咗以下餐點：- 雲吞魚片雙併湯麵 - 切腩四寶撈粗- 炸雲吞- 鮮油奶多士🍜 麵底今次撈麵選擇咗粗麵，湯麵選擇咗幼麵；兩款麵嘅軟硬度適中👍🏻但不論係撈麵，還是湯麵，鹼水味都極重，麵心係鹼水嘅苦味😅 就算撈麵汁、湯水，都掩蓋唔到鹼水味...🙈不過！辣油可以！店家嘅秘製辣椒油可以😏！（下面詳細講）🌞假如大家都同我一樣唔鐘意食到鹼水味，可以考慮轉河粉，米粉，伊麵（伊麵額外加$8）🍜湯底普通嘅味道，無特別好令人印象深刻嘅感覺，淡淡哋，無「唔好味」嘅感覺，但亦都無「好想飲多淡」嘅感覺。🍜 雲吞魚片雙併湯麵 堂食$46, 外賣$48去到金牌魚蛋店，緊係要試吓魚製品啦🤤因為另一碗有魚蛋，而魚片都係哩間餐廳嘅推介，所以雙拼就要咗魚片🐟😍魚片切得唔薄，令人睇到好開心！
餐廳設計好好，光猛，坐位闊落舒服，顏色配搭亦好有格調，同埋餐廳好好，配備咗起碼2部銀離子空氣淨化機，確保大家嘅安全👍🏻👍🏻👍🏻 另外亦專設外賣窗口，等坐近門口嘅客人唔洗成日捱開門嗰吓熱氣👍🏻👍🏻👍🏻好貼心
😋今次試咗以下餐點：
- 雲吞魚片雙併湯麵
- 切腩四寶撈粗
- 炸雲吞
- 鮮油奶多士
🍜 麵底
今次撈麵選擇咗粗麵，湯麵選擇咗幼麵；
兩款麵嘅軟硬度適中👍🏻
但不論係撈麵，還是湯麵，鹼水味都極重，麵心係鹼水嘅苦味😅 就算撈麵汁、湯水，都掩蓋唔到鹼水味...🙈
不過！辣油可以！店家嘅秘製辣椒油可以😏！（下面詳細講）
🌞假如大家都同我一樣唔鐘意食到鹼水味，可以考慮轉河粉，米粉，伊麵（伊麵額外加$8）
🍜湯底
普通嘅味道，無特別好令人印象深刻嘅感覺，淡淡哋，無「唔好味」嘅感覺，但亦都無「好想飲多淡」嘅感覺。
🍜 雲吞魚片雙併湯麵
堂食$46, 外賣$48
去到金牌魚蛋店，緊係要試吓魚製品啦🤤因為另一碗有魚蛋，而魚片都係哩間餐廳嘅推介，所以雙拼就要咗魚片🐟
😍魚片切得唔薄，令人睇到好開心！
😅不過無咩魚味，反而魚片嘅鹹味好出🙈
❤️驚喜位係雲吞！啖啖肉，蝦有蝦味，仲要係幾隻蝦包含在內，真係好好味🤤🤤
😎我推薦大家試雲吞🥟😋
🍜 切腩四寶撈粗
（切腩、魚蛋魚片、牛丸、雲吞）
堂食$68, 外賣$70
貴為人氣之選，當然要試試🤤
🐂切腩
🙈本先睇其他朋友分享嘅時候話轉坑腩唔洗加錢，但去到問嘅時候，話總之轉款都要加$10，所以今次就試佢原裝切腩😌
😅今次嘅切腩係極健康嘅位置，基本上只有一絲絲嘅純肉，不過就較乾，就算夾湯食，都係纖維度比較高。 所以我不禁諗「唔怪得咁多人都加$10轉沙腩，同加$8轉伊麵啦🙈」
🙈 乾同韌嘅程度，我個人覺得係拍得住蒙古牛肉乾，個人感覺
🐟魚旦魚片
剛才已經分享咗魚片，宜家就講魚旦🐳
魚旦喺外賣嘅時候係同牛丸一齊放喺熱湯入面；😅不過只有魚旦嘅心係凍嘅...仲要都係無咩魚味...我有啲失望呀...
🐮牛丸
牛丸紮實，不過黑椒量極多，辣到食唔到牛本身嘅味...
⚠️ 意外：四寶入面有條刷毛癲咗喺度...
🌶️自家製辣椒油
見到好足料，有好大隻蝦米，同好多辣椒籽🤤
🥵 真係好。夠。辣。呀！🥵
單純油，就已經好夠辣喇！
🥵 平日食開連鎖店中辣嘅我，只要點少少油已經好夠食！
😅 無奈辣油渣帶苦味，所以今次食油為主。
✅ 油嘅辣度，足夠掩蓋麵嘅鹼水味
🥟 炸雲吞
堂食$46, 外賣$48
😏 雲吞好食，炸咗嘅雲吞點會唔好食？
外賣嘅時候，店家仲要好貼心咁開個窿仔通熱氣，以防濕氣整軟個炸皮👍🏻
所以食嘅時候，仲keep到又熱又脆🤤🤤🤤
夾泰式辣醬，酸酸甜甜，會更好味👍🏻
🥪 鮮油奶多士
堂食$16, 外賣$17
雖然天氣好熱，中間塊牛油溶哂，但都依然好味，同埋好夠香👍🏻
🥢總評：因為見好多好評，而且又係有名氣嘅餐廳，所以今次其實有感失望，同埋諗其實係唔係一時失手？定只係我嘅口味唔夾？
另外餐廳無貼外賣價錢出嚟，係落單嘅時候先見個價錢唔同，建議餐廳改進。
👉🏻 假如要推薦大家，我會推薦雲吞；擔心有鹼水味，就唔好叫粗、幼麵😌
個人小評分（5分為滿分）
服務：😋😋😋😋
環境：😋😋😋😋
食物：😋😋
價錢：😋😋
回頭率：😋
炸雲吞
$48
2 views
0 likes
0 comments
鮮油奶多士
$17
5 views
0 likes
0 comments
Post
