嵐山日本料理

Open Now

Now Closed

坐廚師枱有個好處，可以一睹廚師即場獻技將新鮮魚生切片，然後送到自己面前，一飽眼福。鯛魚刺身($49)，色澤鮮豔，魚生呈晶瑩剔透，味道鮮甜，有咬口。深海池魚刺身，大大件，非常厚，有魚既鮮味，口感似吞拿魚。鰤魚刺身($98)，我覺得這款魚最好味，近魚皮位置既肉好爽口，有彈牙口感，甘甜肥美。金目鯛魚壽司，肉質軟綿綿，而且經過火炙處理，有焦香既味道，頂層橙色既係帶少少微辣。左口魚壽司($25)，肉質較結實，咬落較爽口彈牙，而且壽司已塗上秘制醬汁，已經好夠味。串燒黑豚蘆筍($38)，豚肉軟腍配蘆筍既爽口，非常夾，表面曬上鹽粒和黑椒粒好香口惹味，咬開豚肉咇晒d油脂出黎。串燒雞翼($32)，已起肉，咁樣兩邊燒得均勻，唔會表面熟內裏生，雞皮好香脆，而且雞翼有肉汁。安格斯牛扒($188)，牛扒目測已全熟，但食落唔會好韌，肉質易咬開，部分肉會牽帶著少少肥膏，食落會更香口，配埋店家自制醬汁，味道帶甜。黑豚石頭鍋飯($118)，非常大碗，豚肉幾乎覆蓋晒整碗飯，加埋有蛋黃汁，可以撈起黎食，好滑。