Homeland (東昌街) (Closed)

朋友帶我生日🎂食好西，揀左哩間主打食手工意粉既西餐🍝。本身佢已經試過幾次，但今次黎咁岩換左餐牌咁就可以試下新野喇。明太子酥炸雞翼 $68 + 10%醬汁厚厚咁包住雞翼🐔，作為明太子控表示好滿意，醬汁充滿明太子既香味，同時甜甜辣辣咁好開胃。而雞翼都炸得好香脆😍，唔會因為醬汁搞到淋哂，而且隻隻都好飽滿多肉。川味海蝦闊條麵🦐 $108 + 10% **店鋪限定有啲新穎既配搭，證明除左坊間常見既紅白汁，仲可以有好多組合。而味道方面就好似台式既麻辣拌麵🌶，又有啲似豉椒炒蜆🧄，但換上左手工闊條麵。佢既手工意粉比較有咬口，帶微微既麥香味。哩個配搭有趣得黎仲好岩一眾嗜辣同好。甲羅燒蟹膏燉飯🦀 $168 + 10% **店鋪限定蟹蓋入面放滿蟹籽﹑蟹肉﹑軟同硬蟹膏，配上用忌廉汁煮成既燉飯🍚，成件事好豐富。初初食落蟹味🦀唔算好出，但越食就越覺得蟹味充斥住係個口腔，唔係好澎湃好濃郁，而係恰到好處個種。整體上我覺得味道唔錯，係會推介大家黎試試😚。不得不讚碟碟既擺盤都好有心思，適合打卡用之外，睇住咁靚既野食，心情都會格外舒暢。提提大家晚市時間都好滿座🈵，記得訂左枱先喇。