Video
Read full review
2023-10-29
257 views
今次肉控朋友帶我去旺角肉浦團打邊爐，一聽到肉浦團個名心諗咁似以前一齣電影嘅名，點知去到火鍋店，見到好多壁畫、poster，都係用電影人物題材再創作，加上搞鬼設計對白，又幾Funny！店舖裝修工業風，彩色鐵櫈，燈光偏暗，加上部份霓虹燈，風格年輕時尚！呢間主打食肉嘅火鍋店，有四個火鍋套餐，我同朋友揀咗$368/120分鐘 M5M8和牛set放題。✔️ M5M8和牛set$368▪️湯底：八選一，揀咗清酒味噌卜卜蜆湯，卜卜蜆沉晒底，令麵豉湯清甜左，另附一細壺清酒，自己根據喜好加入火鍋。自己另外加咗啲蔬菜落去，令到個湯底豐富啲。▪️肉類13種牛肉、豬肉、雞肉任揀，特別點咗好多澳洲M五和牛、美國M8臀腰肉心，都係級數比較靚嘅牛肉，薄薄一片滲透湯汁，M8臀腰肉心尤其多油花，而且分佈平均，口感更軟嫩。另外都點咗牛板腱、封門柳，牛味都香濃，唔錯。幾驚喜嘅係鹿兒島黑豚肉，口感好軟熟！▪️其他另外QR code仲可以點海鮮類、餃子、雲吞等等，試咗原隻魷魚筒、廣島生蠔，魷魚筒切好上，細細條好易淥熟，廣島蠔都幾飽滿！▪️自助吧設有小食、蔬菜、丸類、飲品自助吧。小食自助吧提供炸春卷、薯條、燒賣、雞塊等等，自己勁鍾意食香口
✔️ M5M8和牛set$368
▪️湯底：八選一，揀咗清酒味噌卜卜蜆湯，卜卜蜆沉晒底，令麵豉湯清甜左，另附一細壺清酒，自己根據喜好加入火鍋。自己另外加咗啲蔬菜落去，令到個湯底豐富啲。
▪️肉類
13種牛肉、豬肉、雞肉任揀，特別點咗好多澳洲M五和牛、美國M8臀腰肉心，都係級數比較靚嘅牛肉，薄薄一片滲透湯汁，M8臀腰肉心尤其多油花，而且分佈平均，口感更軟嫩。另外都點咗牛板腱、封門柳，牛味都香濃，唔錯。幾驚喜嘅係鹿兒島黑豚肉，口感好軟熟！
▪️其他
另外QR code仲可以點海鮮類、餃子、雲吞等等，試咗原隻魷魚筒、廣島生蠔，魷魚筒切好上，細細條好易淥熟，廣島蠔都幾飽滿！
▪️自助吧
設有小食、蔬菜、丸類、飲品自助吧。小食自助吧提供炸春卷、薯條、燒賣、雞塊等等，自己勁鍾意食香口小食，一定要配茄醬食！蔬菜吧中一般蔬菜都有，另外有菇類、筍、紫薯、南瓜、蓮藕等等，仲有炸玉子豆腐添，都有唔少選擇。超過10幾款丸類，飲品櫃有接近20種罐裝/紙包飲品。
Post
