Video
Read full review
2019-02-12
93 views
平時都幾鍾意食越南嘢，朋友帶我嚟呢間小店食，話佢食物多款式，可以試多種小食。海膽炸春卷呢個春卷好創新，未食過式春卷有海膽。米春卷皮薄香脆，餡料有豐富素菜粉絲，上面有滿滿的甘香海膽，包住生菜食口感更有層次。法式芝心蝦多士呢個係台灣高雄啤酒節得獎菜式，蝦多士脹卜卜，炸到外層芝麻金黃色，多士酥脆，冇油淋淋，裏面是厚厚的紮實彈牙蝦膠，中心仲有熱溶芝士流出，真係超級好食，熱氣都唔理得咁多。四色檬紙卷有海膽、三文魚、牛炸醬同埋手撕雞4款，外賣吸引。海膽新鮮甘甜，煙三文魚做成玫瑰花狀靚，呢兩款配有特製的果味醬汁，口味比較清新甜甜的。牛炸醬少少辣好惹味，手撕雞唔會又乾又嚡，有少少炸蒜粒黑椒喺上面，幾香口，沾魚露食好正。招牌手撕雞拼扎肉椰子酸湯檬粉手撕雞肉一d都唔嚡，唔係雞胸肉，有火炙過，所以有燒過的獨特香味。扎肉亦同樣火炙過，有4塊，肉質爽口，好食。湯底椰子味好清香，佢唔係好濃稠那種椰汁，配上微酸，好清新開胃，一d都唔heavy。檬粉分量都多，配上芽菜、生菜，口感清爽，唔覺唔覺就食晒一大碗。四鳥椰汁酸湯檬湯底同上一樣的。四鳥即係脆雞皮、滑雞件、脆雞件同埋手撕雞，每款都有兩件，好足料。手撕雞就唔多講啦，
海膽炸春卷
呢個春卷好創新，未食過式春卷有海膽。米春卷皮薄香脆，餡料有豐富素菜粉絲，上面有滿滿的甘香海膽，包住生菜食口感更有層次。
法式芝心蝦多士
呢個係台灣高雄啤酒節得獎菜式，蝦多士脹卜卜，炸到外層芝麻金黃色，多士酥脆，冇油淋淋，裏面是厚厚的紮實彈牙蝦膠，中心仲有熱溶芝士流出，真係超級好食，熱氣都唔理得咁多。
四色檬紙卷
有海膽、三文魚、牛炸醬同埋手撕雞4款，外賣吸引。海膽新鮮甘甜，煙三文魚做成玫瑰花狀靚，呢兩款配有特製的果味醬汁，口味比較清新甜甜的。牛炸醬少少辣好惹味，手撕雞唔會又乾又嚡，有少少炸蒜粒黑椒喺上面，幾香口，沾魚露食好正。
招牌手撕雞拼扎肉椰子酸湯檬粉
手撕雞肉一d都唔嚡，唔係雞胸肉，有火炙過，所以有燒過的獨特香味。扎肉亦同樣火炙過，有4塊，肉質爽口，好食。湯底椰子味好清香，佢唔係好濃稠那種椰汁，配上微酸，好清新開胃，一d都唔heavy。檬粉分量都多，配上芽菜、生菜，口感清爽，唔覺唔覺就食晒一大碗。
四鳥椰汁酸湯檬
湯底同上一樣的。四鳥即係脆雞皮、滑雞件、脆雞件同埋手撕雞，每款都有兩件，好足料。手撕雞就唔多講啦，我想介紹下其他。脆雞皮炸得乾身，脆卜卜，已經逼晒d肥膏出黎，所以食落唔會成口油。脆雞件炸粉好薄，炸得好脆，雞肉嫩滑，少少辣，好惹味。滑雞亦唔係白切雞咁簡單，有惹味調味，一d都唔馬虎。
飲品方面，我地點了椰青水同埋咸檸柚子蜜，呢餐好滿足。
Post
