Video
Read full review
2021-06-20
500 views
伏👎🏻劣評。今日晏晝食lunch，係葵芳分店，佢唔做送外賣唔緊要，我可以自己去拎，係電話叫完外賣問需時幾耐，我預時間，女店員話5分鐘，好，我打電話叫完之後就即刻去拎，去到同店員講岩岩打黎叫左外賣。。。。女店員:242我:242？係號？定242蚊？女店員:242我裝個頭去望一望佢個收銀機mon先見到原來係講緊叫我俾$242。俾完錢後。。。。我:我想要返張單呀唔該你女店員:佢一陣會痴埋俾你然後就等外賣，都好快唔需要等好耐。。。拎外賣回公司開餐，返到公司發現1.說好的收據呢？2.我叫左3杯豆漿，俾得2杯。然後我再打返去問佢哋係咪忘記俾單我。。。女店員:哦，係呀，你張單係度我:同埋你俾少左杯豆漿我，我叫左3杯，俾得2杯。女店員:你叫2杯咋喎我:下，我最尾一杯咪話加錢要多杯豆漿囉女店員:係喎我:咁不如你送返過黎俾我啦，連同張單，係隔離好近女店員:下，但我哋唔做送外賣喎最後，係店員同我分別行一半路程去拎返杯豆漿同張單。呢間野店員表達能力有問題之餘，態度仲好差，明明錯既係店員，點解會係變咗顧客都需要承擔？叫我去拎返唔係問題因為好近，但問題係店員既態度令我覺得唔可以承擔晒所有責任😡食物質素只係一般，真
今日晏晝食lunch，係葵芳分店，佢唔做送外賣唔緊要，我可以自己去拎，係電話叫完外賣問需時幾耐，我預時間，女店員話5分鐘，好，我打電話叫完之後就即刻去拎，去到同店員講岩岩打黎叫左外賣。。。。
女店員:242
我:242？係號？定242蚊？
女店員:242
我裝個頭去望一望佢個收銀機mon先見到原來係講緊叫我俾$242。
俾完錢後。。。。
我:我想要返張單呀唔該你
女店員:佢一陣會痴埋俾你
然後就等外賣，都好快唔需要等好耐。。。拎外賣回公司開餐，返到公司發現1.說好的收據呢？2.我叫左3杯豆漿，俾得2杯。
然後我再打返去問佢哋係咪忘記俾單我。。。
女店員:哦，係呀，你張單係度
我:同埋你俾少左杯豆漿我，我叫左3杯，俾得2杯。
女店員:你叫2杯咋喎
我:下，我最尾一杯咪話加錢要多杯豆漿囉
女店員:係喎
我:咁不如你送返過黎俾我啦，連同張單，係隔離好近
女店員:下，但我哋唔做送外賣喎
最後，係店員同我分別行一半路程去拎返杯豆漿同張單。
呢間野店員表達能力有問題之餘，態度仲好差，明明錯既係店員，點解會係變咗顧客都需要承擔？叫我去拎返唔係問題因為好近，但問題係店員既態度令我覺得唔可以承擔晒所有責任😡
食物質素只係一般，真係貼錢買難受😣
我係叫左個麻辣手撕雞湯刀削麵，手撕雞份量唔算少，但湯刀削麵味道欠缺，唔夠麻辣味，豆漿比較淡，飲溝左水，如果俾呢個價錢個人覺得唔值
Post