薩莉亞意式餐廳 (悅來坊) (Closed)

我同老公今晚去左間出名平靚正，好啱後生仔女去既意大利餐廳。  呢道雖然人多，比較嘈吵，但空間十足，所以無乜影響被安排坐埋牆邊既我哋。我哋order咗 蒜蓉包、雞翼(四隻)、海草沙律、焗雞肉飯、松露蘑菇意粉、黑椒蜆肉。 首先，唔好講好唔好味。我叫咗咁多樣嘢，都係128蚊咋，今時今日嘅香港，喺邊度搵到。跟住講食物， 唔好以為平，就會馬虎 。 我食咗呢幾度菜 唔覺得呢度絕對馬虎。先講個沙律，啲菜同埋海草好匹配。 不過啲菜就 爭啲，唔夠新鮮。 雞翼醃得唔錯 ， 辣辣辣地咁 幾好味。 如果大隻返啲， 就正啦！焗雞肉飯，熱辣辣，正! 黑椒蜆肉，隻隻都好肥。至於個松露蘑菇意粉，就相對冇咁突出。 不過總括嚟講，呢一餐真係好抵食！