蠔站 (荃新天地)

Open Now

Now Closed

我好鐘意食生蠔，book咗8點侍應好快就帶我地入座，都幾好服務。一嚟就嗌生蠔，唔洗問！2個人就嗌咁多十蚊蠔都幾新鮮，有蠔味，幾爽口，無腥味肆無忌憚係度啪蠔，真係好爽，諗起又想食了！嗌左個蒜片牛粒，普普通通，都幾香，唔算un，份量唔會話太少。蘑菇意大利飯，味道都唔錯，飯粒唔會過硬過軟蘑菇都好香，加上芝士，味道更豐富！最後加個豬手，外脆內軟，又香，啲肉本來帶小小咸香味，唯一係佢切得太大舊，係好大舊，你要自己切，但餐刀又唔夠利，比較吃力醬方面，我個人都係喜歡甜芥末🙈😆最後突如其來的心軟，男朋友靜雞雞嗌俾我心太軟都幾好，流心幾濃朱古力整體都唔錯，埋單7百幾，價錢合理。