常嚐食•深燒堂 (Closed)

今次嚟到旺角一間串燒店「常嚐食·深燒堂」，呢度嘅燒一口京蔥豬頸肉、燒原條大茄子同埋日式正火燒飯糰真係好食，值得推介！燒一口京蔥豬頸肉 - 豬頸肉燒到好香脆，佢哋用上特別嘅醬汁，咬落京蔥既時候，仲會噴汁，真係幾好食。燒原條大茄子 - 燒得啱啱好，外脆內軟，茄子好juicy ，配埋啲蒜蓉、辣椒等調味，真係好惹味，正。日式正火燒飯糰 - 飯糰燒得啱啱好，外面脆卜卜，𥚃面嘅飯唔會乾，而且仲好好食，配埋照燒汁同埋啲切碎嘅海苔，真係完美嘅組合，大力推廌！除咗以上三款，重有啲串燒都好味，包括日本阿波尾雞皮、日本免治雞肉軟骨棒、好好食豆腐同埋酸酸甜甜燒菠蘿，都值得一試。呢度嘅師傅燒工一流，燒得啱啱好，保留食物本身適當嘅水份，唔會燒到乾爭爭。除咗串燒食之外，重有深燒花甲粉食，花甲好新鮮好鮮甜，有4款粉類可以選擇：米線、紅薯粉、粉絲同埋稻庭烏冬。五十幾蚊幾抵食。