龍鳳呈祥火鍋雞煲

Open Now

Now Closed

龍鳳呈祥火鍋雞煲，位於尖沙咀，超近地鐵係正中心點🤘🏻⼀入去已經好有特色，懷舊風既排檔裝修加埋霓虹燈陳設，好靚🤩仲有一張枱係由乒乓波枱改裝🤣主打就係各式雞煲同高質食材，整杯生啤啤住等食🎉日本廣島蠔雞煲，超吸引，專人幫你炒，炒到超香🥹⼀打開啲汁同啲蠔勁搶fo，食雞先，非常惹味，醬汁係最正，肉質都好嫩好滑👍🏻忍唔住即刻食廣島蠔，實在係太肥美，好濃既蠔味，爆汁加埋雞煲既惹味好正😄啲配料比起⼀般雞煲多，筍好正，枝竹勁入味🤗加鮮鵝腸炒下佢，完美融合，又香又好味，啲芽菜都正，好味！🤤龍鳳呈祥牛肉拼盤(細)，細既份量都唔少，手切牛肥美，牛味又濃，相當好味😘牛舌片薄身，但都好濃味，配蔥蒜食好味😎牛胸尖口感特別，金錢展同牛肉粒都好牛好好食，高質素既牛肉拼盤🥩回味五香肉丁餃，幾特別既餃，五香味重，豐盛雜菜拼盤，真係好豐盛😳好多款菜，蘿蔔都有心形🩵好味食得好爽仲有生啤陪😆好爽既⼀晚，鍾意食雞煲真係必食，風味同味道都超班，Bookmarked🤞🏻