川大哥

Open Now

Now Closed

朋友講食過深水埗有間有雞煲又有烤魚，仲有串燒，而且價錢激平，質素亦好高，作為雞煲達人梗係要去支持一下！位於深水埗太子中間，餐廳以細枱為主，亦有卡位，坐得舒服！麻辣雞煲用上大量芫荽，洋蔥，芹菜，雞肉走肥，肉質爽實，生炒完也不會出太多油，雞肉非常香口，小辣亦辣得非常過癮！必點手切安格斯肥牛牛肉脂肪靚，牛味重，淥幾秒就食得，吸收晒雞煲既辣汁勁正！仲好大碟！串燒拼盤五花肉，墨魚丸，雞翼，芝士腸，牛舌，全部雙份，份量十足，燒得香口，平均都係10幾蚊一串，非常之抵食！啤酒也非常抵飲，大大杯生啤都係幾十蚊就有交易！呢個價錢食到咁嘅質素，喺香港應該好難搵！難怪今時今日都可以爆場！