芝加哥串燒 (美豐花園) (Closed)

世界盃相約好友齊齊睇波, 朋友介紹呢間小小串燒店。雖然餐廳唔大, 但座位編排唔算會太密, 坐得舒適。店內裝修擺設好有格調, 盡顯店主品味。食物方面選擇多之餘, 價錢一啲都唔貴, 性價比極高！睇扇貝肉同殼嘅比例就知道, 貝肉並無因為燒熟而縮少, 食落肉嫩而且厚身, 配上適量香蒜蔥花, 提味不少, 絕對係必點之選。大大隻燒茄子, 茄肉燒到軟綿綿, 灑上孜然粉同蔥花, 風味十足。肥牛同金菇一向係最佳組合, 牛油融入爽嫩嘅金菇, 口感一流, 絕對不能錯過！兩款口味嘅燒蠔, 肉嫩多汁, 上枱時熱度十足, 芝士味濃郁惹味, 香蒜蔥花味調味恰到好處, 好味到連汁都要飲埋呀。羊肉軟滑多汁, 羶味都幾濃, 我個人對羊羶味非常受落, 啱曬我口味呀。無骨雞翼, 包著辣辣地嘅糯米飯, 口感獨特, 值得一試。韮菜爽甜, 經調味後更加美味。呢塊rib, 份量之大, 絕不欺場, 無返3,4個男人都食唔曬。切開啖啖肉, 肉質比較紮實, 不太入味, 不過不失。今餐坐足兩個鐘, 一次過滿足曬, 吃、喝、睇波、傾計, 暢快至極, 以後又多個聚腳點啦。