Video
Read full review
2014-05-18
6888 views
最近有朋友post左d好吸引既美食相，原來係去左Ruby Tuesday餐廳開餐，個個睇到流哂口水...咁僑又有個朋友自薦話有半價member卡，一於嚟個大食會先 ！餐廳既格局佈置好外國feel，令人感覺輕鬆舒適，最啱一大班朋友gathering，我地19人坐張大長枱，雖然迫左少少，但圍埋一齊食嘢傾計，几warm㗎 ! 花多眼亂下，最後都係由member朋友發辦叫嘢食，每款打孖上:-1.雞翼拼盤 : 分辣同唔辣，辣果款梗係惹味d，有甜甜地既少辣醬，好有韓風味道。唔辣果款就一般而已。2.焗薯皮 : 夠軟腍入味。3.香草薯茸雜菜 : 比較淡味既一款，薯茸夠軟滑。4.Mini burger set : 三款饀料既漢堡，有牛肉、雞肉及蟹肉。我食既係蟹肉果款，有少少軟殼蟹既咬感。5.豬肋骨 : 我地order左辣味及唔辣味兩款，辣味款用左濃郁既醬汁烤過，肉質軟熟又juicy。唔辣款則比較乾身。6.BBQ Full Ribs : 呢款豬肋骨夠大份，烤得唔濃剛好，肉質嫩滑入味，滿足哂我地成班為食貓呢！7.牛扒鐵板燒+包牛扒既配菜及薄餅 : 牛肉鮮嫩有牛味，加上洋葱、蕃茄等配菜後
餐廳既格局佈置好外國feel，令人感覺輕鬆舒適，最啱一大班朋友gathering，我地19人坐張大長枱，雖然迫左少少，但圍埋一齊食嘢傾計，几warm㗎 ! 花多眼亂下，最後都係由member朋友發辦叫嘢食，每款打孖上:-
1.雞翼拼盤 : 分辣同唔辣，辣果款梗係惹味d，有甜甜地既少辣醬，好有韓風味道。唔辣果款就一般而已。
2.焗薯皮 : 夠軟腍入味。
3.香草薯茸雜菜 : 比較淡味既一款，薯茸夠軟滑。
4.Mini burger set : 三款饀料既漢堡，有牛肉、雞肉及蟹肉。我食既係蟹肉果款，有少少軟殼蟹既咬感。
5.豬肋骨 : 我地order左辣味及唔辣味兩款，辣味款用左濃郁既醬汁烤過，肉質軟熟又juicy。唔辣款則比較乾身。
6.BBQ Full Ribs : 呢款豬肋骨夠大份，烤得唔濃剛好，肉質嫩滑入味，滿足哂我地成班為食貓呢！
7.牛扒鐵板燒+包牛扒既配菜及薄餅 : 牛肉鮮嫩有牛味，加上洋葱、蕃茄等配菜後包來食，囗感豐腴。如薄餅皮薄少少就very good嘞！
8.芝士帶子蝦通粉 : 帶子鮮甜，蝦夠彈牙，芝士味剛好，唔會"陋"。
9.芝士雞肉扁意粉 : 芝士汁撈上扁意後，扁意又香又滑溜。反而雞肉囗感似火腿。
10.魚扒飯 : 魚扒有魚腥味。
11. 洋葱圈 : 香脆可囗。
12.自助Salad : 最鐘意呢個，好有那些年砌沙律feel，學生時代個個玩鬥砌大份，好有成功感 ！水蜜桃好鮮甜，薯仔勁好味，仲有菠蘿、粒粒粟米、青瓜、沙律菜等又fresh又醒胃。
13.Chocolate Tallcake : 必點點品，重量級好大杯呀 ...頂層係幼滑既忌廉、雲呢拿雪糕、仲有朱古力碎。底層先係朱古力蛋糕，要混合來食，先食出個滋味來！
汽水、檸茶任飲，仲好大杯添 ！惜檸檬唔夠，似飲冰紅茶多d囉 侍應生個個好勤快，會主動收碟及refill飲品，同時會貼心咁提醒客人，小心睇後，值得加分 ！
今餐個個都食得好飽，笑得開懷！
Post
