稻香 (建生商場) (Closed)

平時去飲茶大多都是這間就實在太方便，但食品質素講真普通，今日來到好快有位坐，今次叫了四個點心和朋友一齊食，但我地由頭叫到尾都同二個人講要辣椒油都冇人理就差啲。食品來到啦，雞扎，同平時的比較細舊，味道偏淡而且都幾油身，雞實在太細件了，只有芋頭保持到大小。這個油炸鬼腸粉勁失望，油炸鬼好淋身，應該整好不停整熱所以沐晒，腸粉皮可以都滑但偏厚少少。朋友喜歡的煎雙椒就保持到水準但都是比較凍身，最後叫了個包點奶皇包，包皮不錯軟熟夠熱，但入面奶皇好甜。茶茗要了鐵觀音味道都可以但好快冇味，座位都舒服，價錢都合理吾貴。