新地坊餐廳小廚 (Closed)

今日下午喺呢度食飯，一坐低就領嘢，上手倒瀉嘢佢係咁易抹吓，未抹乾淨張櫈就叫我坐，搞到我一坐落去條褲就濕咗一忽，又凍又甜耶耶，真係！ 佢個午餐牌唔係腸仔火腿就係雞牛豬扒，想試其他嘢，就叫咗個越式大碗飯餐，呢個餐有： 赤小豆粉葛湯：係例湯不過煲得幾有心機，有好多湯渣喺入面，味道亦夠濃，唔錯！ 越式大碗飯：上枱時又係嚇一跳，係咩嚟架？賣相超唔得，飯面擺得亂七八糟！有兩塊香茅豬扒、一隻雞中翼、一嚿春卷、仲有一塊扎肉，飯底有啲鼓油。香茅豬扒冇乜香茅味，只係炸豬扒；雞中翼又凍又硬，不吃也罷；春卷最似樣，熱辣辣亦夠脆，不過入面全部都係菜；最搞笑係塊扎肉，竟然係炸過嘅！扎肉就咁食先最好味佢都唔知，成碗餸都係炸嘢，幾熱氣！ 又話越式，真係唔知似乜！全部餸都係同一種味，鼓油味道又唔夾，好難先食完呢碗飯！ 凍鴛鴦：大杯不過味道普通！要番去洗褲，唔會再嚟嘞，去對面好過！