甘棠燒鵝

Open Now

Now Closed

質素講真就真係一般，絕對冇其他人講嘅咁好。燒鵝燒得偏乾肉汁唔夠，價錢都唔算係平，不過份量都算係大份，都算可以接受嘅，但係其他小菜就出奇地細份，令人懷疑係味想刻意等客人叫多啲。而個油雞就真係唔太得，肉質好鞋調味都太重手，搞到雞本身嘅味出唔到，浪費曬。另外店員態度都唔算太過好，要叫幾次先肯過嚟，亦表現出唔係太想serve我哋咁，明白佢可能有啲原因先會黑面，但我作為一個客人睇依隻事真係有少少失望。餐廳環境就正正路路，唔算特別乾淨但有少少油煙，整體都可以接受，但真係有咩好特出嘅位。