帝樂 - 德國餐廳 (Closed)

好小出城既我 因為勞動節關係同班好友係尖東一聚，呢個地方真係勁近西鐵站 一出就係 近到唔相信。裝潢好靚， 勁有哈利波特學校餐廳感覺。 黎到麵包控一定要試德國麵包，熱辣辣脆卜卜加埋芝士同鵝肝醬 真係好一流 ，俾到外國感覺我地。 之後上呢個薯餅 真係大件事大家快手到我影唔到全相就分解晒。 果然大家都仲係細路 最愛食薯餅。 配左個奶油蘆筍汁 好creamy .咁食德國菜一定要叫豬手食， 佢個皮勁脆，好小食皮食到係咁想再夾，乾身唔油。 好推介豬手 ，略厭肉太鞋。 反而腸拼盤無咩特別 。芝士麵團就不過不失不過食德國野 ，啤酒就一定唔小得。麥味好重 其實俾二百零蚊有咁正宗德國享受真係唔錯 加上兩點呢d時間真係包場 好舒服 慢慢傾計都得 好正既新聚點。