金甲韓國料理 (Closed)

放假又約人出黎食放題，朋友話好耐無食燒肉，黎左試下新野金甲，晚餐時段$188，假期加$10，加埋一，二百幾蚊個人，正常價位。好肚餓，一有位即刻出去攞野食，熟食，壽司，涼菜，生肉，甜品，飲品等全部自助，鍾意食乜就攞乜。拎左啲小食，洋蔥圈，薯條，咖哩角，蔥餅，泡菜餅等，因為已一早預備好的，不熱但味道正常，洋蔥圈更encore了數回。韓式涼菜一向愛食，款式很多，但只攞了自己喜歡的，辣大豆芽，辣青瓜，泡菜同雞腎，其實不辣帶點麻油香，雞腎好爽口，正。燒三文魚骨/頭，幾肥美，黑椒香。燒肉系列，選擇不算多，但多數調味都不錯，呢碟係墨魚仔同魷魚鬚。牛仔骨雞肉同雞翼辣味豬肉同原味豬肉，肥牛片等。一邊食住熟食一邊燒，啲肉薄切好易熟，甜甜的燒肉醬調味，幾正。魷魚鬚～要燒耐啲先夠熱㗎。仲有好多野無影相，多春魚，蝦，魚柳，青口等，個爐幾易燒唔太黏，旁邊有油可加，但個人覺得燒完肥牛或豬腩肉啲油已足夠燒魚，不用特定加大量油了，不過燒到最後塊板黑哂，唔知有無得換塊鐵板呢？！甜品方面都幾多款，蛋糕，啫喱，奶凍，布甸等，呢幾款蛋糕都幾好味，芒果味，朱古力味等。仲有豆腐花，涼粉同雪糕，豆腐花幾香滑，雪糕太硬了，筆不到出來…