茶米 (德福廣場) (Closed)

今日試新野，外賣點餐叫咗茶米嘅泡菜豬腩肉甜薯粉絲，再加$20要咗是日餐湯及台式腸，加$8飲凍嘅白桃烏龍茶。外賣自取回家立即開動，包裝精美，凍飲包裝亦都好細心，加多左張紙係杯蓋上面，以免漏瀉。講返個主菜，豬腩肉夠爽又唔油膩，餐湯係打得好溶嘅蘑菇忌廉湯，啖啖都有大大粒嘅蘑菇碎，好味。白桃烏龍茶唔會太甜，有淡淡的茶味，價錢方面，因為外賣自取已經有折，單叫泡菜豬腩肉甜薯粉絲一碗折後$58，如果原價就略嫌貴咗啲，都係有折先抵食。