Video
Read full review
2010-10-13
91 views
話咁快又一年，又到10月小弟生日既日子﹗食家故作神秘，話下午要帶我去食我想食的餐廳﹗地點在沙田的凱悅酒店，相信好多有來過的朋友都已經估到係邊到了﹗沙田18，就在酒店的一樓，在網上食評的評價很不錯﹗食家很有心，記得我成日話想同佢去食填鴨，0係我生日既今天就帶我來呢度試下﹗環境不錯，裝修簡約中舒適自然，空間感強，窗邊全落地玻璃，多用天然光。預早BOOK位關係，可以坐在窗邊的梳化位，無敵景致。這個生日天氣十分好，天藍而無雲，難得平日也有如此寫意，樂事﹗梳化位對住開放廚房，幾個大廚在入面忙得不可開交。其實如可以的話將個廚房既玻璃轉做不反光玻璃，客人睇得舒服0的，個效果會更加好﹗一坐低待應生已問我地飲咩，食家點了熱咖啡，及後埋單時發現無收錢的﹗難到是WELCOME DRINK?午餐想食填鴨的話要預訂，食家留了半隻，今日來的原因都係吃佢吧﹗青瓜條大蔥是烤鴨薄餅的最佳伴侶，既能除膩又可提鮮﹗甜醬、沙糖及蒜泥，想蘸就蘸﹗叫佢上菜十五分鐘左右，烤鴨來了﹗鴨好似我咁相當肥美，色澤紅潤﹗留心少少睇隻鴨仲係冒煙的﹗師傅o係你面前將半隻鴨慢慢片皮起肉﹗先切好鴨皮先﹗嘩，真係神乎奇技，手起刀落，三分鐘就搞掂﹗師傅
食家故作神秘，話下午要帶我去食我想食的餐廳﹗
地點在沙田的凱悅酒店，相信好多有來過的朋友都已經估到係邊到了﹗
沙田18，就在酒店的一樓，在網上食評的評價很不錯﹗
食家很有心，記得我成日話想同佢去食填鴨，0係我生日既今天就帶我來呢度試下﹗
環境不錯，裝修簡約中舒適自然，空間感強，窗邊全落地玻璃，多用天然光。
預早BOOK位關係，可以坐在窗邊的梳化位，無敵景致。
這個生日天氣十分好，天藍而無雲，難得平日也有如此寫意，樂事﹗
梳化位對住開放廚房，幾個大廚在入面忙得不可開交。
其實如可以的話將個廚房既玻璃轉做不反光玻璃，客人睇得舒服0的，個效果會更加好﹗
一坐低待應生已問我地飲咩，食家點了熱咖啡，及後埋單時發現無收錢的﹗難到是WELCOME DRINK?
午餐想食填鴨的話要預訂，食家留了半隻，今日來的原因都係吃佢吧﹗
青瓜條大蔥是烤鴨薄餅的最佳伴侶，既能除膩又可提鮮﹗
甜醬、沙糖及蒜泥，想蘸就蘸﹗
叫佢上菜十五分鐘左右，烤鴨來了﹗
鴨好似我咁相當肥美，色澤紅潤﹗
留心少少睇隻鴨仲係冒煙的﹗
師傅o係你面前將半隻鴨慢慢片皮起肉﹗
先切好鴨皮先﹗
嘩，真係神乎奇技，手起刀落，三分鐘就搞掂﹗
師傅好野﹗
三款鴨片分開上碟，分別係鴨皮、鴨胸肉，及鴨腿肉﹗
賣相誘人精緻﹗
此時有個待應哥哥走埋黎教我地應該點食北京填鴨﹗
最正就梗係個烤鴨皮啦﹗
待應哥哥話唔洗包餅皮，就咁蘸砂糖吃最正﹗
就跟跟待應哥哥意見，輕沾砂糖，岩岩切起入口還是暖暖的，脆皮夾著鴨油脂層，香脆甜美，滿口是鴨羶香，油而不膩，惹味好食﹗
此乃鴨前胸肉﹗
當然用來包薄餅﹗配上甜醬好好食的呀﹗
試食一片，肉質軟熟而不乾，鴨肉味濃，愈o趙愈有味﹗
估不到半隻原來份量也不少，我地睇佢切完之後都擔心食唔哂﹗
鴨腿肉是連皮的鴨肉﹗
皮較肥卻連著肉﹗
既有脆皮的油脂香，亦有鴨肉的質感與濃味。
唔影咁多，開餐喇﹗
食家急不及待整番皮薄餅皮先﹗
半隻鴨大約有10片薄餅皮左右﹗
所以其實落料唔洗就住就住，咩都隊一堆落去就無死﹗
加料再加料﹗
根本連薄餅皮都差唔多包唔哂﹗
鴨肉配上大蔥甜麵醬，美味無窮﹗
沙田18半隻鴨一食230蚊左右，其實四個人食會好0的，我地兩個食哂之後已經飽到唔敢再叫其他食物﹗
當然佢仲有兩食同三食，大約再加多一百蚊左右。
其實吃完半隻填鴨後已相當飽，由於我愛食鍋貼關係，生日就點多個食飽0的﹗
餡飽滿，皮薄，未食已知好野﹗
一咬下肉汁四濺，肉汁多的程度食家話有如小籠包，餡多肉甜卻不膩，餃皮煙韌，超正﹗飽都要食哂佢﹗
服務員有禮招呼周到，殷勤招呼得有點可怕，茶未飲夠一半已幫你連斟四次﹗
很開心生日可以吃到自己愛吃的東西，這兒的北京填鴨味道真一流，名不虛傳﹗
謝謝食家的親切安排，十萬個滿意﹗
更多相:
http://hk.myblog.yahoo.com/smallsmalllin/article?mid=22310
Post
