添好運點心專門店 (Closed)

星期六朝早又係媽媽既metime，今日心血來潮想食點心，好耐無食添好運既酥皮叉燒包，記得和富道有分店就去左食，服務態度感覺比以前差左，不過見佢咁抵食就試下啦~🌟酥皮焗叉燒包 ($24)呢個酥皮焗叉燒包真係必食，$24有3個超抵，而且新鮮出爐熱辣辣，外脆內軟既口感好好食🌟晶瑩鮮蝦餃 ($32) & 鮮蝦燒賣皇 ($31)蝦餃同燒賣就正常發揮，無咩特別🌟鮑汁鳳爪 ($34)份量都幾多，而且煮到好腍好入味，唔錯🌟炸兩 ($26)好耐冇食過炸兩啦，以前間中去粥店食就會叫炸兩，見到呢度有又叫黎試下，油炸鬼仲係脆卜卜超正